फिक्स्ड ब्रोडब्यान्डको हिस्सा करिब ३० प्रतिशत मात्र
एनसेलको बजार हिस्सा ३८.२२ प्रतिशत रहेको
काठमाडौं ।।
नेपालको इन्टरनेट बजारमा मोबाइल ब्रोडब्यान्डको हिस्सा करिब ७० प्रतिशत र फिक्स्ड ब्रोडब्यान्डको हिस्सा करिब ३० प्रतिशत रहेको छ । नेपाल दूरसञ्चार प्राधिकरणको पछिल्लो तथ्यांकअनुसार ३०.६३ प्रतिशत इन्टरनेट तारसहितको फिक्स्ड ब्रोडब्यान्डबाट चल्ने गरेको छ । वायरलेस फिक्स्ड ब्रोडब्यान्डको हिस्सा ०.१५ प्रतिशत छ । प्राधिकरणका अनुसार मोबाइल ब्रोडब्यान्ड अर्थात् मोबाइल डाटाबाट इन्टरनेट चलाउनको हिस्सा ६९.२२ प्रतिशत रहेको हो ।
मोबाइल ब्रोडब्यान्डअन्तर्गत दुई सेवा प्रदायकमा नेपाल टेलिकमको हिस्सा ६९.०२ प्रतिशत रहेको छ भने एनसेलको हिस्सा ३०.९८ प्रतिशत छ । जनसंख्याका आधारमा तारसहितको फिक्स्ड ब्रोडब्यान्ड ४२ प्रतिशत जनसंख्यामा पुगेको छ । ताररहित वायरलेस फिक्स्ड ब्रोडब्यान्ड ०.२० प्रतिशत र मोबाइल ब्रोडब्यान्डको पहुँच ९५.३० प्रतिशत जनसंख्यामा रहेको छ । भ्वाइस सर्भिसतर्फ ६१.७८ प्रतिशत बजार हिस्सा रहेको छ भने एनसेलको बजार हिस्सा ३८.२२ प्रतिशत रहेको छ ।
