April 10, 2025 | बिहिबार, चैत्र २८, २०८१
सुचनाहरु
बिहीबार बिहानैदेखी काठमाडौमा हावहुरी सहित बर्षा, आज देश देशभर आंशिक बदली हुने किन सामूहिक गिरफ्तारी दिने घोषणा गरे राजावादिले? ‘मेरो जीवनको रक्षा सुनिश्चित हुन्छ भने २४ घण्टाभित्र उपस्थित हुन्छु’ भन्दै आए दुर्गा प्रसाईं  अब अनुमति बिना पानीजहाज चलाउन नपाइने सोबिता गौतम निर्वाचित भइन् आईपीयूको स्वास्थ्य समिति सदस्यमा हजुरआमाको चप्पल लिन गएका दीक्षा र स्वप्निलको नारायणीमा डुबेर गयो ज्यान  अब मापसे पर्नेहरुले अनलाइनबाटै ट्राफिक सचेतना कक्षा लिन पाउने चैते दसैँमा कालिका भगवती मन्दिरमा भक्तजनले चढाए ४२ लाख भेटी  तीनकुनेमा गोलि लागेर ज्यान गुमाएका सविनकी श्रीमतीलाई भाटभटेनीले जागिर दिदै  हत्या गरेको १७ वर्षपछि साधुको भेषमा लुकिछिपी बसेका पुजारी पक्राउ आफ्नै छोरीको अश्लील तस्बिर र भिडीयो बुबाले गुगल ड्राइभमा राखे जरिवाना तिर्ने डरले राप्रपाले आफैं सफा गर्यो सडक राप्रपाको बल्खु सभामा होहल्ला गर्दा दुई जना पक्राउ आज राप्रपाले काठमाडौँमा प्रदर्शन गर्दै रेविज लागेको कुकुरले टोक्दा १२ जना घाइते, कुकुर खोज्दै प्रहरी आर्मी छोडिन् गोलकिपर अन्जना मगरले, कहाँ गईन्?  प्रमुख प्रशासकीय अधिकृत फर्किएपछी बल्ल पाए काठमाडौं महानगरका जनप्रतिनिधि र कर्मचारीले तलब सुरेश रजक जलेको घरबाट निस्कीएकी एनीको भुमिका संकास्पद भन्दै पक्राउ गर्यो प्रहरीले भैरहवा कारागार पुर्याइयो रबि लामिछानेलाई  रविलाई आजै थुनामा पठाइने

अनलाइन कारोबार गर्दा सकेसम्म फ्री वाई-फाई प्रयोग नगर्नुहोस्: प्रहरी

  • साझा परिवेश
  • शुक्रबार, पुस १३, २०८० १३:३८
अनलाइन कारोबार गर्दा सकेसम्म फ्री वाई-फाई प्रयोग नगर्नुहोस्: प्रहरी

काठमाडौं । नेपाल प्रहरीले साइबर सुरक्षालाई मध्यनजर गर्दै सम्भव भएसम्म निःशुल्क उपलब्ध हुने वाई-फाई प्रयोग गरी अनलाइन भुक्तानी नगर्न सुझाव दिएको छ ।

बिहीवार सामाजिक सञ्जालमा एक सामग्री राख्दै प्रहरीले अनलाइन भुक्तानी वा रकम स्थानान्तरणका लागि सम्भव भएसम्म निःशुल्क वाई-फाई प्रयोग नगर्न सुझाव दिएको हो ।

“कुनै पनि सार्वजनिक स्थानमा अनलाइन भुक्तानी वा रकम स्थानान्तरणका लागि सम्भव भएसम्म निःशुल्क वाई-फाई प्रयोग नगर्नुहोस्,” प्रहरीले भनेकाे छ ।

अनलाइन भुक्तानीमा किन फ्री वाई-फाई प्रयोग नगर्ने ?

यदि तपाईंले कुनै प्रडक्ट वा सेवा निःशुल्क पाउनु भएको छ भने त्यसको प्रडक्ट वा सेवा तपाईं आफैं हो भन्ने बुझ्नुपर्ने हुन्छ । कतिपय इन्टरनेट सेवाप्रदायक कम्पनी, व्यवसायी वा अन्य व्यक्तिले पनि सर्वसाधारणको सुविधाका लागि वाई-फाई निःशुल्क उपलब्ध गराएका हुन्छन् । त्यस्तोमा जोखिम नै हुन्छ भन्ने हुँदैन । तर, ह्याकरले उक्त स्थानको फाइदा उठाएर आफ्नो स्वार्थका लागि निःशुल्क वाई-फाई उपलब्ध गराएका हुनसक्छन् ।

सार्वजनिक रूपमा उपलब्ध वाई-फाईमा पनि थुप्रै जोखिम हुन्छन् । निःशुल्क उपलब्ध हुने वाई-फाई प्रयोग गर्दा ‘म्यान इन द मिडल अट्याक’ हुन्छ । यसको अर्थ तपाईंले कारोबार गरिरहँदा त्यसबीचमा ह्याकर रहेको हुन्छ । जसले तपाईंको डिभाइस र तपाईंले ब्राउज गरेको वेबसाइटबीच के-कस्ता डेटा आदानप्रदान भएका हुन्छन् भन्ने सबै थाहा पाएको हुन्छ । जसले गर्दा तपाईंको लगइन विवरण, क्रेडिट कार्ड नम्बर वा व्यक्तिगत जानकारी चोरी हुने सम्भावना उच्च हुन्छ ।

असुरक्षित नेटवर्क पनि निःशुल्क उपलब्ध हुने वाई-फाईको अर्को जोखिम हो । सार्वजनिक वाई-फाईमा इन्क्रिप्सनको अभाव वा कमजोर सुरक्षा प्रणाली हुने भएकाले साइबर अपराधीले सहजै तपाईंका डेटा चोरी गर्न सक्छन् । त्यस्तै कतिपयले नक्कली हट्सपट तयार पारेर पनि तपाईंलाई आफ्नो जालोमा पार्न खोजिरहेका हुन्छन् । एक पटक तपाईंको डिभाइस उनीहरूले सञ्चालन गरेको हट्सपोटमा जोडियो भने उनीहरूले तपाईंको डेटामाथि नियमन गरिरहेका हुन्छन् ।

त्यति मात्र नभइ निःशुल्क उपलब्ध हुने वाई-फाई प्रयोग गर्दा मालवेयर सङ्क्रमणको जोखिम पनि उत्तिकै हुन्छ । मालवेयर फैलाउनका लागि पनि ह्याकरले फ्रि वाई-फाईको सहायता लिएका हुन्छन् । त्यसैले निःशुल्क वाई-फाई प्रयोग गर्दा सतर्कता अपनाउनुपर्ने हुन्छ ।

यस्ता जोखिमबाट बच्नका लागि सार्वजनिक वा निःशुल्क वाई-फाई प्रयोग गर्दा भर्चुअल प्राइभेट नेटवर्क (भीपीएन) प्रयोग गर्नुपर्ने हुन्छ । भीपीएनले इन्टरनेट कनेक्सन इन्क्रिप्सन गरिदिने भएकाले अरूले तपाईंको डेटा इन्क्रिप्टेड फर्ममा पाउन सक्दैनन् । यस्तो अवस्थामा तपाईंको डेटा सुरक्षित हुन सक्छ ।

त्यस्तै तपाईंले भिजिट गरेको वेबसाइटले ‘HTTPS’ (हाइपरटेक्स्ट ट्रान्सफर प्रोटोकल सेक्युअर’ प्रयोग गरेको छ भन्ने सुनिश्चित गर्नुहोस् । एड्रेशबारमा हेरेर पनि तपाईंले साइट सुरक्षित वा असुरक्षित भए नभएको निर्धारण गर्न सक्नुहुन्छ ।

रसक सार्वजनिक वा निःशुल्क उपलब्ध हुने वाई-फाईमा संवेदनशील जानकारी दिने, कारोबार गर्ने काम नगर्नुहोस् । त्यस्तै सफ्टवेयर अपडेटेड राखेर र मल्टिफ्याक्टर अथेन्टिकेसन अन गरेर पनि तपाईं आफ्नो खाता सुरक्षित राख्न सक्नुहुन्छ ।

  • साझा परिवेश
  • शुक्रबार, पुस १३, २०८० १३:३८

प्रतिक्रिया

तपाइको प्रतिक्रिया दिनुहोस्

नेपाल अपडेट