“आधुनिक शिक्षा संग याेग र अध्यात्म” बिषयमा प्रशिक्षण कार्यक्रम सप्पन्न

इनरुवा संवाददाता

इनरुवा : “आधुनिक शिक्षा संग याेग र अध्यात्म” सुनसरी जिल्लाको इनरुवामा आधुनिक शिक्षा संग योग र अध्यात्मलाई कसरी जोड्ने भन्ने बिषयमा प्रशिक्षण कार्यक्रम सम्पन्न भएको छ ।

निजी तथा आवासीय विद्यालय अर्गनाइजेसन (प्याब्सन) को नगर प्याब्सन इनरुवाकाे आयाेजनामा पौष २९ गते आइतबार इनरुवा-३ स्थित ॐ साईराम पार्टी प्यालेसमा प्याब्सनसङ्ग आवद्ध निजी विद्यालयका प्रीन्सिपल/सन्चालक र शिक्षक शिक्षिकाहरुको उपस्तिथिमा “आधुनिक शिक्षा संग याेग र अध्यात्म” कार्यक्रम सम्पन्न भएकाे हाे ।

रामकृष्ण मिसन का संत, स्वामी विवेकानन्द परमपराका वाहक, रामकृष्ण विवेकानन्द सेवा आश्रम देवघर (बाबाधाम) भारतका वर्तमान सचिव समेत रहनु भएका स्वामी राधाकान्तानन्द महाराज ज्यूकाे प्रमुख आतिथ्य तथा नगर प्याब्सन इनरुवाका अध्यक्ष रमेश गुरागाईंकाे अध्यक्षतामा सम्पन्न उक्त कार्यक्रममा ४०० भन्दा बढीको उपस्तिथि रहेको थियो ।

कार्यक्रममा उपस्थित सहभागीहरुलाई जीवन विज्ञान इनरूवाकी इन्चार्ज सविना सिग्देलले याेगका विभिन्न आसनहरु तथा याेगका फाइदाहरुबारे जानकारी दिनुभएकी थिइन् ।

रामकृष्ण मिसन का संत, स्वामी विवेकानन्द परमपराका वाहक, रामकृष्ण विवेकानन्द सेवा आश्रम देवघर (बाबाधाम) भारतका वर्तमान सचिव स्वामी राधाकान्तानन्द महाराजले कार्यक्रममा सहभागीलाई विभिन्न किसिमका तनाव व्यवस्थापन, विद्यार्थीहरुको ध्यान कक्षा काेठामा तान्ने देखि दैनिक जीवनमा लागुहुने व्यवहारिक ज्ञान साथै याेग, अध्यात्म र अध्यापनकाे बारेमा महत्त्वपूर्ण जानकारीहरु गराउनु भएको थियो। आयोजक नगर प्याब्सन इनरुवाका अध्यक्ष रमेश प्रसाद गुरागाईले कार्यक्रमको उदेश्य माथी प्रकाश पार्नु भएको थियो ।

कार्यक्रम सन्चालक एवम् नगर प्याब्सन इनरुवाका सचिव गंगाराम मण्डलका अनुसार उक्त कार्यक्रममा कार्यक्रम आयोजनार्थ अहम भुमिका खेल्नु हुन अशोक चित्लाङ्गिया, विवेकानन्द झा लगायत सनातन कुटुम्बका संरक्षक श्रीलाल मेहता का साथै सनातन कुटुम्बाका विशेष सदस्य रोशन अधिकारी लगायत योग र अध्यात्म सङ्ग सम्बन्धित बिभिन्न संघ संस्था र व्यक्तित्वहरुको उपस्थितिमा सो कार्यक्रम सम्पन्न भएको हो ।

• संसद विघटन