राजनीतिक दलसम्बन्धी दोस्रो संशोधन विधेयक २०८० प्रतिनिधिसभामा प्रस्तुत
साझा परिवेश
आइतवार, फाल्गुन १३, २०८० १६:१८
काठमाडौँ । गत फागुन १० गते बसेको प्रतिनिधिसभा बैठकमा गणपूरक सङ्ख्याको अभावमा निर्णयार्थ प्रस्तुत हुन बाँकी राजनीतिक दलसम्बन्धी दोस्रो संशोधन विधेयक २०८० प्रतिनिधिसभामा पेश भएको छ ।
विधेयक प्रस्तुत गर्न नेमकिपा सांसद प्रेम सुवालको विरोधको सूचना बहुमतले अस्वीकृत गरेपछि गृहमन्त्री नारायणकाजी श्रेष्ठले विधेयक प्रस्तुत गरेका हुन् ।
राजनीतिक दलसम्बन्धी ऐन २०७३ को केही व्यवस्थाहरूमा अध्यादेशले संशोधन गरेको र सो पश्चात् सो अध्यादेश खारेज भएको अवस्थामा ऐनको साबिक व्यवस्था कायम राख्न आवश्यक देखिएकोले राजनीतिक दलसम्बन्धी ऐन २०७३ लाई संशोधन गर्न बनेको विधेयक पेश गरेको श्रेष्ठले बताएका छन् । प्रतिनिधिसभाको अर्को बैठक सोमबार बिहान ११ बजे बस्नेगरी स्थगित भएको छ ।
