खुल्ला बहसका लागि गृहमन्त्री लामिछानेलाई विश्वप्रकाशको निम्तो
साझा परिवेश
बुधबार, चैत्र २१, २०८० १३:११
काठमाडौं । नेपाली कांग्रेसका महामन्त्री विश्वप्रकाश शर्माले बहसका लागि छानबिन समितिको कर्यालयमा आउन उपप्रधान तथा गृहमन्त्री रवि लामिछानेलाई निम्तो दिएका छन् ।
आज बसेको प्रतिनिधि सभा बैठकमा बोल्दै सांसद शर्माले रविलाई कुन कुन विषयमा बहस गर्ने हो त्यो आफूहरुलाई मान्य हुने जानकारी गराउँदै छानबिन समितिको कार्यालयमा डाकेका हुन् । सहकारी ठगीमा जोडिएको भन्दै कांग्रेसले रविविरुद्ध छानबिन समिति बनाउन माग गर्दै आएको छ । तर, सरकारले मान्ने छाँटकाँट देखिएको छैन् ।
“माननीय गृहमन्त्रीजीमा उत्साह छ । उर्जा छ, बोल्दै गर्दा हामीभन्दा ठूलै स्वरमा बोल्न सक्नुहुन्छ । आउनुस् बहस गर्नका लागि ठाउँ निर्धारित गर्न चाहन्छु । नेपालको प्रमुख प्रशासनिक केन्द्र सिंहदरबारभित्र स्थापना हुने संसदीय छानबिन समितिको कार्यालयमा उहाँलाई निमन्त्रण गर्न चाहन्छु,” उनले भने ।
