कवाडी संकलक कुट्ने काठमाडौ महानगरका नगरप्रहरीको गयो जागिर
साझा परिवेश
बुधबार, बैशाख ४, २०८२ १९:२५
बालुवाटार क्षेत्रको सडकमा साइकलमा हिँडिरहेका एकजना कवाडी संकलकलाई लछारपछार गर्ने घटना सामाजिक सञ्जालमा भाइरल भएपछि काठमाडौं महानगरपालिकाले ती नगरप्रहरीलाई तत्काल बर्खास्त गरेको छ। भिडियोमा देखिएअनुसार कवाडी संकलकलाई कुनै कारणबिना दुर्व्यवहार गरिएको थियो।
लछारपछार गर्दै गरेको भिडियो बनाइरहेका स्थानियलाइ पनि उक्त नगर प्रहरिको समुहले भिडियो नखिच्न भन्दै हप्काएका थिए ।
महानगरका प्रवक्ताले जनाए अनुसार यस्तो अमानवीय व्यवहार कुनै हालतमा स्वीकार्य छैन। बालुवाटार जस्तो उच्च सुरक्षा क्षेत्रमै यस्तो घटना हुनुले सुरक्षातन्त्र र नगर व्यवस्थापनप्रति प्रश्न उठाएको छ।
सामाजिक न्याय र मानवअधिकारको पक्षमा उभिएको महानगरले दोषीमाथि कडा कारबाही गर्दै अन्य नगरप्रहरीलाई पनि चेतावनी दिएको छ।
पछिल्लो समय काठमाडौ उपत्यकाका कवाडी व्यवसायलाई मानव बस्ती भएको ठाउँबाट हटाउने अभियानमा महानगर लागेको छ ।
सोही सन्दर्भमा साइकलमा कवाडी उठाएर हिड्नेहरुलाइ पनि महानगर प्रहरिले धरपकड गर्दै आइरहेको छ ।
