भाटभटेनी लुटपाटमा कांग्रेस सहमहामन्त्री छोरा पनि संलग्न
साझा परिवेश
शुक्रबार, बैशाख १३, २०८२ १९:३४
भाटभटेनी लुटपाटमा कांग्रेसका सहमहामन्त्रीको छोरा पनि संलग्न रहेको राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले आरोप लगाएका छन् । प्रतिनिधि सभाको बैठकमा बोल्दै उनले आफूसँग कांग्रेस सहमहामन्त्रीको छोरा संलग्न रहेको रेकर्ड रहेको दाबी गरेका छन् । तर उनले कांग्रेसको को सहमहामन्त्री भन्ने खुलाएनन् ।
उनले भने, ‘हामीसँग रेकर्ड छ गृहमन्त्रीज्यू भाटभटेनीको लुटपाटमा तपाईँकै पार्टीको सहमहामन्त्रीको छोरा पक्राउ परेका छन् । किन छाड्नुभयो तुरुन्तै ? तपाईँको नेताको छोराले रक्सी लिएर गयो उसले ल्याएको मान्छेले म रक्सी खान्न मलाई कपडा काम लाग्छ भनेर कपडा लिएर गयो । पछि थाहा भयो, तपाईँहरूको प्रहरीले पक्राउ गर्दा खेरी भिडियोमा हेरे पक्रियो। तर, नेताको छोरा रहेछ । नेताको छोरालाई छोड्नुभयो । ल्याएको मान्छे छुटेन, पछि यो कुरा सार्वजनिक गर्दिन्छु भनेर धम्क्याएपछि दुई घण्टामा छाडिदिनुभयो । त्यसैले यो सत्य तथ्य सार्वजनिक हुन जरुरी छ ।’
