पाकिस्तानी महिलासँग विवाह गरेका भारतीय सैनिक बर्खास्त

जम्मु कस्मीरको पहलगाम घटनाले भारतमा बिहे गरेका धेरै पाकिस्तानी महिलाहरू समस्यामा परेका छन्।  ्भारतको केन्द्रीय रिजर्भ पुलिस बल (सीआरपीएफ) ले ४१ औं बटालियनका सिपाही मुनीर अहमदले पाकिस्तानको सियालकोट निवासी मीनल खानसँग विवाह गरेको र भिसा नियम उल्लङ्घन गरी उनलाई भारतमा राखेको आरोपमा बर्खास्त गरिएकोछ ।
मुनीर र मीनलले मे २०२४ मा अनलाइन विवाह गरेका थिए। मीनल मार्च २०२५ मा छोटो अवधिको भिसामा भारत आएकी थिइन्। उनले दीर्घकालीन भिसाको लागि आवेदन दिएकी थिइन्, जुन गृह मन्त्रालयमा विचाराधीन थियो। अप्रिल २२ मा पहलगाम आतंकवादी हमलापछि भारत सरकारले सबै पाकिस्तानी नागरिकको भिसा निलम्बन ग¥यो। त्यसपछि मीनललाई देश छोड्न आदेश दिइयो।
मुनीरले मीनलको निर्वासन रोक्न जम्मूको भालवाल अदालतमा अपिल दायर गरेका थिए। अदालतको आदेशले मीनललाई तत्काल देश निकाला गर्न रोक लगाएको छ। तर यो विषय बाहिर आएपछि सीआरपीएफले छानबिन गरी मुनीरलाई बर्खास्त गरेको हो।
मीनलले आफूहरू निर्दोष रहेको भन्दै पहलगाम आतंकवाद घटनासँग कुनै सम्बन्ध नभएको दाबी गरेकी छिन्। साथै उनले प्रधानमन्त्री नरेन्द्र मोदीलाई पत्र लेख्दै आतंकवादको नाममा निर्दोषलाई सजाय नदिन अनुरोध गरेकी छिन्।

• संसद विघटन