March 26, 2023 | आइतवार, चैत्र १२, २०७९
सुचनाहरु
रास्वपालाई ३, कांग्रेसलाई ८ मन्त्रालय– भोलिसम्म पूर्णता दिने उपराष्ट्रपति भएपछि रामसहाय यादव पहिलो पटक गृह जिल्लामा (तस्बिरहरू) नयाँ खिम्ती–बाह्रबिसे प्रसारणलाइन निर्माणमा प्राधिकरणको ताकेता रुसले बेलारुसमा रणनीतिक हतियार परिचालन गर्ने माओवादीका मन्त्रीले दिए राजीनामा, कांग्रेसका चौधरीलाई मुख्यमन्त्री बनाउन ५४ जनाको हस्ताक्षर राजनीतिक अस्थिरताकै कारण व्यवसायी संकटमा साबिककै मन्त्रालयहरू पाएमात्रै सरकारमा जाने रास्वपाको अडान देशलाई अनुशासित र स्वच्छ प्रहरी आवश्यक छः गृहसचिव सिंह ट्युनिसिया डुङ्गा दुर्घटना हुँदा ९ आप्रवासीको मृत्यु, ६७ जना बेपत्ता प्रहरीको व्यावसायिक सक्षमतालाई अभिवृद्धि गरिने सञ्चार मिडियाले समाजको परिवर्तनमा निर्वाह गरेको भूमिका अतुलनीय छ : मुख्यमन्त्री शर्मा जगदम्बा जीतपुरसिमरा गोल्डकप : मकवानपुर सेमीफाइनलमा प्रवेश विभिन्न दलका प्रतिनिधिहरुसँग सभामुखको छलफल जारी नेपाल प्रहरीका आईजीपी कुँवरले लगाए दर्ज्यानी चिह्न उपेन्द्र यादव भन्छन्- बारामा उपनिर्वाचन लड्नुपर्ने जोड छ, मैले निर्णय गरिसकेको छैन अहिलेको सरकार विदेशी हस्तक्षेपबाट बनेको एमाले उपाध्यक्ष पौडेलको दावी आफ्नै छिमेकीको घरमा आगो लगाएर तीन जना भागे उपेन्द्र र महन्थ भेटवार्ता : होला त पार्टी एकीकरण ? डा. सिके राउतको चुनौतिपूर्ण भाषणले हल्लाएको यादवको सम्राज्य रिमेकमा आयो कालजयी गीत ‘झरनाको चिसो पानी’

‘गर्व गर्छौं गोपाल दाई’

  • साझा परिवेश
  • शनिबार, कार्तिक २६, २०७९ 0९:४६
‘गर्व गर्छौं गोपाल दाई’

मेचीनगर । स्वास्थ्य तथा खेल क्षेत्रमा नाइट चेस क्लबले विगतमा उपलब्धिमूलक कार्यक्रमहरु सञ्चालन गरेको छ । ती कार्यक्रमले नाइट चेस क्लबलाई स्थानीय स्तरमा मात्र चिनाएन, राष्ट्रिय तथा अन्तर्राष्ट्रिय स्तरमा परिचित गराउन सफल भएको छ ।
सामाजिक व्यक्तित्वको रुपमा परिचय फराकिलो बनाएका गोपाल तामाङ नेतृत्वको समितिले सम्झनालायक कार्यक्रम सफलतापूर्वक सम्पन्न गरेको छ । उनकै पालामा अन्तर्राष्ट्रिय रेटिङ चेस प्रतियोगिता आयोजना गरिएको थियो । नेपालमै पहिलो पटक आयोजना भएको प्रतियोगितामा रसियाका ग्रान्ड मास्टर अलेक्जेन्डर फोमिनिक सहभागी भएका थिए ।
काँकरभिट्टामा भएको प्रतियोगितामा ४ वटा मुलुकबाट ११० जना चेस खेलाडी सहभागी गराएर तामाङ नेतृत्वको समितिले खेलमार्फत क्लबलाई अन्तर्राष्ट्रिय स्तरमा चिनाउन सफल भए । ‘चेस खेलको माध्यमबाट अन्तर्राष्ट्रिय जगतमा नाइट चेस क्लब परिचित बन्यो,’ तत्कालीन खेल संयोजक विश्वविजय घिमिरेले भने, ‘मेचीनगरलाई चिनाउन उक्त प्रतियोगिता कोशेढुंगा सावित भएको छ ।’
खेल क्षेत्रको विकासमा नाइट चेस क्लब फराकिलो योजना बनाएर अघि बढेको इतिहास छ । तामाङ अध्यक्ष भएकै बेला फुटबल खेलमा मोफसलमै पहिलो पटक खेलाडीलाई अनुबन्ध गराउने काम भएको थियो । त्यसबेला खेलाडीलाई मासिक पारिश्रमिक उपलब्ध गराइएको थियो । अनुबन्ध गरिएका खेलाडीले राष्ट्रिय तथा अन्तर्राष्ट्रिय खेलकुद प्रतियोगितामा आफूलाई अब्बल सावित गरेका छन् ।
विजय धिमाल, दिपक राई, कर्ण लिम्बू, मिनबहादुर बस्नेतलगायत १८ जना खेलाडी आज राष्ट्रिय स्तरका सुपरिचित खेलाडीका रुपमा स्थापित छन् । यस अलवा राष्ट्रिय तथा छिमेकी मुलुक भारतमा हुने गरेका ठूला प्रतियोगितामा भाग लिएर विजेता बनेको इतिहास छ ।
भारतको मङ्फू फुटबल प्रतियोगिताको पाँचपटक विजेता नाइट चेस क्लब बनेको थियो । ‘गोपाल दाईले सक्रियता नदेखाएको भए आज यी खेलाडी उत्पादन सायदै हुने थिएन होला,’ तत्कालीन क्लबका कोषाध्यक्ष शेरबहादुर बस्नेत भन्छन्, ‘त्यो बेलाको लगावले काँकरभिट्टा खेल क्षेत्रको रुपमा विकास भएको हो ।’
नाइट चेस क्लबले क्रिकेट क्षेत्रमा गरेको ठूलो लगानीका कारण थुप्रै चर्चित खेलाडी जन्माएको छ । तामाङको सक्रियतामा क्रिकेट खेलको विकास भएको हो । मनोज कटुवाल, लाक्पा लामा, सुनिल विष्ट, सन्नी पुन नेपाली क्रिकेटका लोकप्रिय खेलाडी बनेर चिनिएका छन् ।
‘गोपाल दाईको पालामा क्रिकेटमार्फत काँकरभिट्टालाई चिनाउने काम भएको छ,’ क्रिकेटर मनोज कटुवाल भन्छन्, ‘त्यो बेला हामी नाइट चेस क्लबको ब्यानरमा व्यावसायिक खेलाडीको रुपमा प्रतियोगितामा भाग लिएका थियौँ । आज हामी गर्व गर्छौं कि क्लबले खेलाडी बनाएर चिनाएको छ ।’

  • साझा परिवेश
  • शनिबार, कार्तिक २६, २०७९ 0९:४६

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट