८ मंसिर, मेचीनगर : झापा क्षेत्र नम्बर १ मा पराजित भएका उम्मेदवारद्वय अग्निप्र्रसाद खरेल र रबिन कोइरालाले विजेत उम्मेदवार विश्वप्रकाश शर्मा र गोपाल तामाङ्गलाई बधाई ज्ञापन गरेका छन् ।
झापा–१ मा प्रतिनिधिसभा सदस्यमा नेपाली कांग्रेसका महामन्त्री विश्वप्रकाश शर्मा र प्रदेश–१ मा नेपाली कांग्रेसकै गोपाल तामाङ लाई उनीहरुले आज भेटेरै बधाई दिएका हुन् ।
यसैगरी सोमबार साँझ मत परिणाम घोषणा भएसँँगै एमाले उम्मेद्वारद्वय खरेल र कोइरालाले नेकपा एमालेलाई मत प्रदान गर्ने मतदाता, चुनाव प्रचारमा खटिने इमान्दार कार्यकर्ता, निर्वाचन कर्मचारी, सुरक्षाकर्मी र सञ्चारकर्मीलाई विज्ञप्ति नै जारी गरेर हार्दिक आभार व्यक्त गरेका छन् ।
