May 23, 2024 | बिहिबार, जेष्ठ १०, २०८१
सुचनाहरु
१५.५४ अंकले बढ्यो नेप्से सिरोहियालाई ३ दिन हिरासतमा राख्न अनुमति पोखराको चक्रदेवी सहकारी संस्थामा तोडफोड, ९ जना पक्राउ रास्वपाले भन्यो- अदालतको अनुमति लिएर पर्याप्त आधारसहित अनुसन्धान गरिनु प्रेस स्वतन्त्रताको हनन होइन केदार कार्कीले दायर गरेको रिट ढुंगाना र ढकालको संयुक्त इजलासमा कैलाश सिरोहिया पक्राउबारे बढ्ता होहल्ला गर्न जरुरी छैन : प्रधानमन्त्री कान्तिपुरका अध्यक्ष सिरोहियालाई धनुषा अदालतमा उपस्थित गराइयो कान्तिपुर मिडिया ग्रुपका अध्यक्ष सिरोहिया धनुषा प्रहरीको हिरासतमा , आजै अदालत लगिँदै कस्तो रहला आजको मौसम ? सन्दीपलाई विश्वकप खेलाउन भिसा प्रक्रिया अगाडि बढ्यो कान्तिपुर मिडियाका अध्यक्ष सिरोहिया कार्यलयबाटै पक्राउ श्रममन्त्री अर्यालको सम्पत्ति : सुन १५० तोला, बैंकमा सवा २ करोड (विवरणसहित) गृहमन्त्री रवि लामिछानेको सम्पत्ति कति छ ? प्रधानमन्त्रीको सम्पति कति छ, हेर्नुहोस् ! कैलाश सिरोहिया भेट्न कांग्रेस नेताहरू काे-काे पुगे कान्तिपुर कम्प्लेक्स ? ‘पूजार सार्की’ मा पलको नयाँ लुक्स सार्बजनिक आफ्नो फाइल खोल्न सरकारलाई आरजुको चेतावनी कान्तिपुरका अध्यक्ष सिरोहियाविरूद्ध धनुषामा पक्राउ पूर्जी सुनचाँदीको मूल्य घट्यो उपेन्द्र यादवको रिट न्यायाधीश ढुंगाना र मुसलमानको इजलासमा

स्वर सम्राट नारायण गोपाल स्मृति दिवसमा ’ सम्झनामा नारायण गोपाल ’

  • साझा परिवेश
  • सोमवार, मंसिर १९, २०७९ २0:२६
स्वर सम्राट नारायण गोपाल स्मृति दिवसमा ’ सम्झनामा नारायण गोपाल ’

 

काठमाडौं ,मंसिर १९ – स्वर सम्राट नारायण गोपालको ३२ औं स्मृति दिवस सोमबार(आज) संगीतकर्मीहरुले बिभिन्न कार्यक्रम आयोजना गरी मनाइएको छ । आस्था कला केन्द्रको आयोजनामा ’सम्झनामा नारायण गोपाल ’ कार्यक्रम आस्थाको हलमा आयोजना गरिएको छ । कार्यक्रमलाई नारायण गोपाल संगीत कोषका महासचिब दीपक केसी द्वारा पानसमा बत्ति बालेर शुभारम्भ गर्नुभयो । साथै स्वर सम्राट नारायण गोपालको फोटोमा गायक,गायिका,संगीतकर्मीहरुले माल्यार्पण गरि कार्यक्रम सुरु गरिएको थियो।

स्वर सम्राट नारायण गोपालको स्मृतिमा आस्था कला केन्द्रले कार्यक्रम गरेको “सम्झनामा नारायण गोपाल “ कार्यक्रममा एक दर्जन भन्दा बढी गायक गायिकाहरुले नारायण गोपालद्धारा स्वरबद्ध गीत गाएर उनको सम्झना गरेका छन् । कार्यक्रममा गायिका गीता पाण्डेले रचना तथा संगीत दीपक जंगमको ’यति धेरै माया दिई’ बोलको गीत गाएर माहोल तताईन् साथै राजेश कुमार श्रेष्ठ,सन्जिब आले,महेन्द्र बिश्वकर्मा,किशोर बिश्वकर्मा लगायत एक दर्जन भन्दा बढी गायक गायिकाहरुले नारायण गोपालद्धारा स्वरबद्ध गीत गाएर उनको सम्झना गरेका छन् ।

सन्जिव आलेले राममान तृषितले रचना गर्नु भएको संगीत तथा स्वर नारायण गोपालको ’मैले पुण्य मन पराए’ प्रस्तुत गर्दा माहोल निकै भावुक बनेको थियो । रचनाकार किरण खरेल संगीत नातिकाजी तथा गोपाल योञ्जनको रहेको ’लुकु लुकु लाग्यो मलाई ’ गीत राजेश कुमार श्रेष्ठ र गीता पाण्डेको प्रस्तुतिले दर्शक झुमेका थिए। नारायण गोपालको सम्झनाले कार्यक्रम स्थल नारायण गोपालमय बनेको थियो। कार्यक्रममा पोखिएर घाम को झुल्को , तिम्रो जस्तो मुटु , मलाई नसोध ,पर्खि बसे आउला भनि ,केहि मिठो बात गर , मान्छेको माया यहाँ , आज भोलि हरेक साझ लगायत गीतहरु गुञ्जिएका थिए ।

कार्यक्रममा आस्था कला केन्द्रका निर्देशक रमेश थापाले स्रस्टाहरुको कार्यक्रम गर्न पाउदा गर्ब महसुस हुने र अन्य कुनै पनि नेपाली स्रस्टाहरु को कार्यक्रम गर्नु परे आस्था कला केन्द्र सदै सबैलाई स्वागत गर्ने बताउनु भयो । बाबु आशागोपाल र आमा रामदेवी गुरुवाचार्यको कोखबाट विक्रम सम्वत १९९६ असोज १८ गते काठमाण्डुको किलागलमा जन्मिएका नारायण गोपालको निधन २०४७ साल मंसिर १९ गते राति ९ बजे बीर अस्पतालमा भएको थियो ।

  • साझा परिवेश
  • सोमवार, मंसिर १९, २०७९ २0:२६

प्रतिक्रिया

तपाइको प्रतिक्रिया दिनुहोस्

नेपाल अपडेट