एम डि एम एस सिष्टम लागु नहुँदा मोवाईल चोरी बढ्छ ः अध्यक्ष दिनेस

काठमाडौं ।। एम डि एम एस सिष्टम लागु नहुनु भनेको मोवाईल चोरी तस्करीलाई प्रोत्साहन हुने कुरा नेपाल मोवाईल वितरक संघका अध्यक्ष दिनेस चोल्याद्योले वताउनु भएको छ ।
नेपाल मोवाईल वितरक संघको अनुरोधमा नेपाल दूरसञ्चार प्राधिकरणले पुस १५ गते देखि मोवाइल डिभाइस म्यानेजमेन्ट सिस्टम (एम डि एम एस) पूर्ण रुपमा लागु गर्ने जनाएको थियो । तर प्रधानमन्त्रीको ठाडो निर्देशनमा तत्काल एम डि एम एस लागु गर्नबाट प्रधिकरण पछि हटेको छ । कर छली गरी अवैध रुपमा भित्रिने गरेको मोवाईल सेटलाई निरुत्साहित गरी थप व्यवस्थित गर्न तथा चोरी भएका र हराएका मोवाईल सेटको ट्रयाकिङ, ब्लकिङ गर्नको लागि एम डि एम एस सिष्टम लागु गर्नु पर्ने प्राधिकरणले जनाएको थियो ।
बैदेशिक रोजगारमा गएकाहरुको व्यापक विरोध पछि सो सिष्टम तत्कालको लागि स्थगत गरिएको जनाइएको छ । यो सिष्टम लागु नहँुदा अरवौंको कर छलि हुने गरेको मोवाईल व्यवशायीहरु बताउछन् ।
नयाँ सरकार गठन हुने वित्तिकै नेपाल मोवाइल व्यवशाययी महासंघले अर्थमन्त्री विष्णु पौडेललाई बधाई दिदैं अघिल्लो कार्यकालमा यहाँले शुरु गर्नु भएको एम डि एम एस लागु गर्ने महत्वपूर्ण निर्णय लिनु भएको थियो यसको कार्यान्वयन मात्र होइन, प्रभावकारी कार्यान्वयनको लागि अनुरोध गर्न चाहन्छौं, जसले गर्दा अर्थतन्त्रमा टेवा पुग्ने अपेक्षा लिएका छौं भनी अनुरोध गरेको थियो ।
नेपालमा रेमिट्यान्स पठाउने नेपाली नागरिकको हकमा केहि खुकुलो गरेर भए पनि एम डि एम एस लागु गर्नु पर्ने कुरामा नेपाल मोवाइल वितरक संघ र नेपाल मोवाइल व्यवशायी महासंघ एकमत भएका छन् ।

• संसद विघटन