March 26, 2023 | आइतवार, चैत्र १२, २०७९
सुचनाहरु
बारा-२ का जनताले मेरो डिमान्ड गरिरहेका छन् :उपेन्द्र यादव प्रभु साहको प्रश्न : तस्कर नियन्त्रणमा कसले खाइरहेको छ ४५ प्रतिशत कमिसन ? सवारी दुर्घटनाका घाइतेलाई निःशुल्क उपचारको व्‍यवस्था गर्न माग उत्तर प्रदेशका मुख्यमन्त्री योगी र राजदूत शर्माबीच भेटघाट ज्ञानेन्द्र शाहीको प्रस्ताव : सांसद र मन्त्रीका स्वकीय सचिवको तलब कटौती गरेर खेलाडीको बढाऔं ११ दिन पैदलै हिँडेर मिटर ब्याज पीडित आइपुगे काठमाडौं पदम लिम्बुलाई सहिद घोषणा गर्न सांसद अशोक राईको माग प्राधिकरणको कारबाही : तीन एटीसी निलम्बित खानेपानीको ट्याङ्कीमा शव फेला रास्वपालाई ३, कांग्रेसलाई ८ मन्त्रालय– भोलिसम्म पूर्णता दिने उपराष्ट्रपति भएपछि रामसहाय यादव पहिलो पटक गृह जिल्लामा (तस्बिरहरू) नयाँ खिम्ती–बाह्रबिसे प्रसारणलाइन निर्माणमा प्राधिकरणको ताकेता रुसले बेलारुसमा रणनीतिक हतियार परिचालन गर्ने माओवादीका मन्त्रीले दिए राजीनामा, कांग्रेसका चौधरीलाई मुख्यमन्त्री बनाउन ५४ जनाको हस्ताक्षर राजनीतिक अस्थिरताकै कारण व्यवसायी संकटमा साबिककै मन्त्रालयहरू पाएमात्रै सरकारमा जाने रास्वपाको अडान देशलाई अनुशासित र स्वच्छ प्रहरी आवश्यक छः गृहसचिव सिंह ट्युनिसिया डुङ्गा दुर्घटना हुँदा ९ आप्रवासीको मृत्यु, ६७ जना बेपत्ता प्रहरीको व्यावसायिक सक्षमतालाई अभिवृद्धि गरिने सञ्चार मिडियाले समाजको परिवर्तनमा निर्वाह गरेको भूमिका अतुलनीय छ : मुख्यमन्त्री शर्मा

‘हनीट्रयाप’ गरी राजीवको अपहरण

  • साझा परिवेश
  • मङ्लबार, माघ १७, २०७९ 0९:0५
‘हनीट्रयाप’ गरी राजीवको अपहरण

झापा । झापामा १० दिनअघि अपहरणमा परेका एक युवकको प्रहरीले उद्धार गरेको छ । बिर्तामोड– ३ भगवान चोक निवासी कमल बस्नेतका छोरा २१ वर्षीय राजीव बस्नेतलाई प्रहरीले अपहरणकारीको पन्जाबाट शनिबार साँझ मुक्त गरेको इलाका प्रहरी कार्यालय बिर्तामोडका डीएसपी रुगमबहादुर कुँवरले जानकारी दिए । उनलाई पूर्वपश्चिम राजमार्गको देउनिया पुलनजिक फेला पारिएको डीएसपी कुँवरले बताए ।

राजीव गत माघ ५ गते बिहान इलामको श्रीअन्तु घुम्न भनी घरबाट निस्किएका थिए । प्रदेश १–०१–०१५ प ८०९७ मोटरसाइकल चढेर गएका उनी साँझसम्म नफर्किएपछि परिवारले प्रहरीलाई हुलियासहित उजुरी दिएको थियो ।
डीएसपी कुँवरका अनुसार बुद्धशान्ति घर भई हाल भारतको मणिपुरमा बसेर व्यापार गर्ने राजु भनिने राजकुमार भण्डारी नामको व्यक्तिको संलग्नतामा राजीवको अपहरण भएको खुलासा भएको छ। राजीवका बाबु कमल बस्नेत र भण्डारी पहिले व्यापार साझेदार थिए । तर, पछिल्लो समय आर्थिन लेनदेनमा विवाद भएपछि यी दुईबीच मनमुटाव सुरु भएको थियो । उनीहरु सुन व्यापारमा संलग्न रहेको प्रहरीले जनाएको छ ।
‘पीडितका बाबु र भण्डारी पुराना कारोवारी रहेछन् । व्यापारको कुरामा लेनदेनको समस्या रहेछ, त्यही निहुँमा राजीवलाई अपहरण गरिएको खुलेको छ,’ डीएसपी कुँवरले भने, ‘बस्नेतले भण्डारीलाई रकम तिर्न बाँकी रहेको र त्यही कारण भाडाका मान्छे परिचालन गरेर छोरालाई उठाइएको पाइयो ।’

१० दिनसम्म अज्ञातस्थलमा राखिएका उनलाई प्रहरीले उद्धार गरी परिवारको जिम्मा लगाएको छ । भण्डारीले अपहरण गर्न ९ जना मानिस प्रयोग गरेका थिए । ६ जना नेपालीमध्ये तीनजना युवती छन् । त्यस्तै तीनजना भारतीय रहेका छन् । ती तीनजना युवतीले हनीट्रयाप गरी कक्षा १२ मा पढ्ने राजीवलाई अपहरण गरेका थिए । माघ ४ गते ती युवतीहरुले राजीवसंग घुम्न जाने योजना बनाएका थिए । त्यसपछि भोलिपल्ट ती युवक श्रीअन्तु जान्छु भनी घरबाट हिडेका थिए । उनीहरु सालवारी पनि गएको सिसिटीभीले देखाएको डीएसपी कुँवरले बताए । ती युवकलाई नछोडे आफूहरु नबाँच्ने देखेपछि अपहरणकारीहरु देउनिया पुलमा छोडेर भागेको उनले बताए । ‘घटनामा ठूलो मिस्ट्री छ’ उनले भने ‘हनीट्रयाप, आर्थिक लेनदेन ,अपहरणको केसमा प्रहरीले ठीक ठाउँमा एक्सन लिनसक्दा युवकलाई सकुशल जोगायौं , त्यो ठूलो एचिभमेन्ट हो ।’

बस्नेत र भण्डारीबीचको लेनदेन विवाद ८–१० वर्ष अगाडिकै हो । दुवैले भारतको मणिपुरमा संगै व्यापार गरेका थिए । बस्नेतसंग रकम पाउने भन्दै भण्डारीले विप्लव माओवादी पनि लगाएका थिए । बस्नेतले भण्डारीलाई १ करोड भारु बुझाएका थिए । तर, भण्डारीले अझै २० करोड भारु पाउने दावी गर्दै आएका थिए । पैसा नपाइने सोचेर उनले छोरालाई अपहरण गर्न लगाएको डीएसपी कुँवरले बताए । हाल मणिपुरमा रहेका भण्डारी आफै बिर्तामोड आएका थिए । बिर्तामोडको एउटा होटलमा ४–५ दिन बसेर उनले सो अपहरणको योजना बनाएको खुलेको छ ।

अपहरणकारीले छोरालाई छुटाउन ४० करोड फिरौती रकम मागे पनि परिवारले भने नदिएको प्रहरीले दाबी गरेको छ । अपहरणकारीहरुले परिवारलाई अपहरित युवकको भिडियोसंगै म्यासेज पनि पठाएका थिए । तर, केही सीप नलागेपछि र प्रहरीले पक्राउ गर्न लागेपछि उनीहरु युवक छोडेर भागेको बताइएको छ । प्रहरीले घटनामा संलग्न एकजनालाई पक्राउ गरिसकेको छ । घटनामा संलग्न ९ जनाविरुद्ध जिल्ला अदालतमा ५ दिन म्याद थप गरी मुद्धा दायर गरिसकेको डीएसपी कुँवरले जानकारी दिए ।

सम्बन्धित स

  • साझा परिवेश
  • मङ्लबार, माघ १७, २०७९ 0९:0५

प्रतिक्रिया

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

नेपाल अपडेट