June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

च्याट जीपीटीको प्रभाव : अब जिमेलमा पनि आर्टिफिसिय इन्टेलिजेन्स फिचर

  • साझा परिवेश
  • शुक्रबार, चैत्र ३, २०७९ १0:५३
च्याट जीपीटीको प्रभाव : अब जिमेलमा पनि आर्टिफिसिय इन्टेलिजेन्स फिचर

आर्टिफिसियल इन्टेलिजेन्स प्रविधिको दौड दिनानुदिन तीव्र बनिरहेको छ । हालै बिंग सर्च इन्जिनलाई ChatGPT सँगै लञ्च गरेर माइक्रोसफ्टले सर्च इन्जिन गुगलको वर्षौंदेखिको साम्राज्यलाई चुनौती दियो । त्योसँगै यस्तो लागिरहेको थियो कि सर्च इन्जिनको क्षेत्रमा माइक्रोसफ्टले बाजी मारेको छ । तर गुगलले आफ्नो नम्बर वानको ताज सजिलै नछाड्ने देखिएको छ ।

गुगलले आफ्नो विभिन्न वर्कस्पेस एपहरुमा आर्टिफिसियल इन्टेलिजेन्स फिचर्स जोडेको छ । अर्थात् अब Google Docs, Gmail, Google Sheets, Google Slides जस्ता प्लाटर्फममा आर्टिफिसियल इन्टेलिजेन्स फिचर्स उपलब्ध हुनेछन् । एक ब्लगमार्फत् गुगलले उक्त जानकारी गराएको हो । गुगलले यसअघि आफ्नो आर्टिफिसियल इन्टेलिजेन्स च्याटबट Google Bard  घोषणा गरेको थियो ।

गुगलको नयाँ अपडेट

ब्लग पोस्टमा गुगलले विगत करिब २५ वर्षदेखि आफूले आम प्रयोगकर्ताको सहयोगका लागि विभिन्न प्रडक्टहरू तयार गरिरहेको उल्लेख गरेको छ ।

गुगलले सर्च इन्जिनदेखि म्यापसम्मका सर्भिस उपलब्ध गराएको छ । पछिल्लो समयमा आर्टिफिसियल इन्टेलिजेन्सले प्रविधिका सबै क्षेत्रमा एउटा नयाँ तीव्रता ल्याइदिएको परिप्रेक्ष्यमा गुगलले पनि त्यसलाई अबलम्बन गरेको हो ।

आफ्ना विभिन्न सर्भिसहरुमा यसअघि नै आर्टिफिसियल इन्टेलिजेन्सले प्रयोगकर्तालाई सहयोग गरिरहेको गुगलले उल्लेख गरेको छ । उसका अनुसार जिमेलमा स्मार्ट कम्पोजर होस् वा स्मार्ट रिप्लाई होस् अनि गुगल डक्समा Summary होस् वा कुनै मिटिङलाई प्रोफेसनल बनाउने काममा होस् आर्टिफिसियल इन्टेलिजेन्सले प्रयोगकर्तालाई सहयोग गरिरहेको छ ।

ब्लग पोस्टमा गुगलले भनेको छ – हामी workspace प्रयोगकर्ताका लागि आर्टिफिसियल इन्टेलिजेन्स क्षमता थप्दै छौं जसको उपयोगबाट प्रयोगकर्ताले create, connect तथा collaboration को क्षेत्रमा यसअघि कहिल्यै पनि प्राप्त गर्न नसकेको अनुभव महसुस गर्नेछन् ।

सबैभन्दा पहिले गुगलले गुगल डक्स तथा जिमेलमा आर्टिफिसियल इन्टेलिजेन्समा आधारित लेखन फिचर थप गरेको छ । यद्यपि यो फिचर अहिले नै सबै प्रयोगकर्ताका लागि उपलब्ध छैन । यसलाई केही निश्चित प्रयोगकर्ताका लागि परीक्षणका लागि सुरु गरिएको छ । हालका लागि यो अंग्रेजी भाषा तथा अमेरिकी प्रयोगकर्ताका लागि मात्र उपलब्ध हुनेछ । जसबाट पृष्ठपोषण लिएर सुधार गरी सबै आम प्रयोगकर्ताका लागि सो फिचर उपलब्ध गराउने गुगलको योजना छ  ।

यो फिचरले कसरी काम गर्दछ ?

मानौं तपाईं जिमेल वा गुगल डक्स प्रयोग गरिरहनु भएको छ । यदि तपाईंले केही विषयमा लेख्नुछ भने सबैभन्दा पहिले उक्त शीर्षकका बारेमा लेख्न सुरु गर्नु पर्दछ । त्यसपछि सो विषयमा एक मस्यौदा देखा पर्दछ । अब प्रयोगकर्ताले सो ड्राफ्टलाई तानेर त्यसमा आफ्नो तरिकाले सम्पादन गर्न सक्नेछन् । यसले प्रयोगकर्ताको कामलाई सजिलो बनाउनेछ ।

नयाँ आर्टिफिसियल इन्टेलिजेन्स फिचरसँगै जिमेलमा इमेल ड्राफ्ट गर्न, जवाफ फर्काउन तथा इमेललाई प्राथमिकीकरण गर्न सहज हुनेछ ।

त्यस्तै गुगल डक्समा प्रूफ रिड गर्न, लेखन तथा पुनर्लेखन गर्न पनि सजिलो हुनेछ । त्यस्तै कुनै तस्वीरका लागि क्रिएटिभ भिजन लगायतका विभिन्न नयाँ फिचर पनि उपलब्ध हुनेछन् ।

एजेन्सी

  • साझा परिवेश
  • शुक्रबार, चैत्र ३, २०७९ १0:५३

प्रतिक्रिया

तपाइको प्रतिक्रिया दिनुहोस्