June 18, 2024 | मङ्लबार, असार ४, २०८१
सुचनाहरु
गौरादह २ को वडास्तरीय सार्वजनिक सुनुवाइ कार्यक्रम सम्पन्न श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट

अदभूतः मन्दिर भत्काउन खोज्दा लँगूरले रोके, डोजर नगएसम्म मन्दिरमै बसेर दिए सुरक्षा !

  • साझा परिवेश
  • बिहिबार, चैत्र २३, २०७९ १0:३६
अदभूतः मन्दिर भत्काउन खोज्दा लँगूरले रोके, डोजर नगएसम्म मन्दिरमै बसेर दिए सुरक्षा !

सिरहा । राजमार्ग निर्माणको क्रममा सडकमा परेको भन्दै मन्दिर भत्काउन गएका ठेकेदारलाई लँगूरले मन्दिर भत्काउन दिएनन् भनेर भन्दा पत्यार नलाग्ला, तर घटना सत्य हो ।

सिरहा जिल्लास्थित नरहा गाउँपालिकाको वडा नं. ३ नयाँ चोक चोहर्बास्थित रहेको पूर्व–पश्चिम राजमार्गसँगै जोडिएर रहेको नगर डिहबारको मन्दिरमा डोजर चलाउन जाँदा एक लँगूर (बाँदर प्रजाती) ले पहरा दिएर रोकेका छन् ।

त्यहाँ स्थित रहेको हिन्दु धर्मावलम्बीहरुको आस्थाको केन्द्र नगर डिहबार (डिहबार बाबा) को मन्दिरमा डोजर चलाउन जाँदा लँगूरले अगाडी बढन दिएनन् । कहिले नदेखिने लँगूर डोजर पुगेपछि अचानक आएर डोजरलाई रोकेको चालकले बताएका छन् ।

राजमार्गमा परेको भन्दै डिहबारको मन्दिर भत्काउन चाईना कम्पनीले डोजर पठाएका थिए । दिउँसो पठाएको डोजर लिएर गएपछि अचानक लँगूर आएर सो ठाउँमा अवरोध गर्न थालेको स्थानीय प्रत्यक्षदर्शीहरुले बताएका छन् ।

केही बर्ष अगाडी मन्दिरको छेउमा रहेको सखुवाको बोट ढाल्न खोज्दा त्यहाँ डोजर आफैँ बन्द हुने गरेको घटना स्थानीयहरुले सुनाए । डिहबार मन्दिरमा दैवी शक्ति प्रकट रहेको स्थानीयहरु बताउँछन् ।

दिउँसो डोजर लिएर मन्दिर भत्काउन पुगेका ठेकेदारलाई एक लँगूरले दिनभरि भत्काउन दिएनन् । डोजर जान थालेपछि लँगूर पनि हिँडेको स्थानीयहरु बताउँछन् ।

अहिले सो मन्दिर तोडफोड नगरी नक्सा सारेर राजमार्ग विस्तार गर्न स्थानीयहरुले माग उठाउन थालेका छन् । हिन्दु धर्मावलम्बीहरुको आस्थाको केन्द्र र दैवी शक्ति प्रकट भएको भन्दै मन्दिर भत्काउन नदिने अडान कस्न थालेका छन् ।

स्थानीयहरुले यसलाई अदभूत र चमत्कार पनि भनेका छन् ।

आज बिहान फेरी त्यही लँगूर मन्दिरमा आएर बसेका हुन्। भगवान हनुमान स्वयम् प्रकट भएको भन्दै सयौंको संख्यामा स्थानीयहरू दर्शन गर्न आएका छन्।

  • साझा परिवेश
  • बिहिबार, चैत्र २३, २०७९ १0:३६

प्रतिक्रिया

तपाइको प्रतिक्रिया दिनुहोस्