न्यायाधीश सुष्माको इजलासमा बालेनविरूद्धको रिटमाथि सुनुवाइ हुँदै

काठमाडौं। काठमाडौं महानगरपालिकाका मेयर बालेन शाह (बालेन्द्र) विरुद्ध परेको रिट न्यायाधीश सुष्मालता माथेमाको इजलासमा परेको छ। सिंहदरबार,बालुवाटार र शीतल निवासको फोहोर नउठाएको भन्दै सोमबार मेयर बालेनविरूद्ध सर्वोच्चमा रिट दायर भएको थियो।
अभिवक्ता पदम श्रेष्ठले महानगरपालिकाले कानुन संवत् फोहोर व्यवस्थापन गर्नुपर्ने माग गर्दै सर्वोच्चमा रिट दायर गरेका थिए। यसअघि मंगलबार कायममुकायम प्रधानन्यायाधीश हरिकृष्ण कार्कीको एकल इजलासमा रिट तोकिएपनि पछि हेर्न नभ्याइनेमा राखेको थियो।

निवेदनमा आफ्नो क्षेभित्र फोहोर संकलन गर्ने दायित्व काठमाडौं महानगरपालिकाको भएकोले कानून विपरित आजसम्म फोहोर संकलन नगरेकोले तत्काल संकलन गरी ल्याण्डफिल्ड साइडमा लैजान र नियमित फोहर संकलन र विसर्जन गर्न माग गरिएको छ ।

निवेदनमा भनिएको छ,‘नेपालको संविधानको धारा ३० बमोजिम प्रत्येक नागरिक स्वच्छ र स्वस्थ्य वातावरणमा बाँच्न पाउने हक हुनेछ भन्ने संविधानमा भएको मौलिक हकको उपयोगवाट बन्चित हुने भएकोले उक्त विषय सार्वजनिक सरोकारको विषय समेत भएको हुँदा नेपालको संविधानको धारा ३०,४, फोहरमैला व्यवस्थापन ऐन, २०६८ को दफा ३, ४,वातावारण संरक्षण ऐन २०७६ को दफा १५ बमोजिम निवेदन माग गरेको छु ।’
काठमाडौं महानगरपालिकाको कार्यालय स्थानीय निकाय भएकोले नेपालको संविधानको धारा ३० मा प्रत्येक व्यक्ति स्वच्छ र स्वस्थ्य वातावरणमा बाँच्न पाउने हक भएको, फोहरमैला व्यवस्थापन ऐन, २०६८ को दफा ३ र ४ बमोजिम स्वच्छ वातावरण कायम गर्न निवेदनमा माग गरिएको छ ।

• संसद विघटन