प्रसाद २’ लाई सोमबार बिग मुभिज मल्टिप्लेक्समा प्रिमियर गरियो
साझा परिवेश
मङ्लबार, बैशाख १२, २०८० १४:५९
काठमाडौं । फिल्म ‘प्रसाद २’ लाई सोमबार बिग मुभिज मल्टिप्लेक्समा प्रिमियर गरिएको छ । फिल्म हेर्न कास्ट एण्ड क्रिउ तथा सेलिब्रिटी पुगेका थिए ।
विपिन कार्की, केकी अधिकारी, अर्पण थापा, रेखा थापा, पूजा शर्मा, दीपकराज गिरी, निर्मल शर्मा, दीपाश्री निरौला, धीरज मगर, जसिता गुरुङ, भुवन केसी लगायत पुगेका थिए ।
निर्माताको निम्तोमा प्रिमियरमा पुगेका अधिकांश सञ्चारकर्मी, प्रदर्शक, निर्माता फिल्म नहेरिकनै फर्किएका थिए ।
मिडियालाई प्रिमियरमा प्राथमिकता नदिएको भन्दै केही सञ्चारकर्मीले असन्तुष्टि व्यक्त गरे । फिल्म हलका सुरक्षागार्डले केही सञ्चारकर्मीलाई फर्काएका थिए ।
चलचित्र पत्रकार संघका महासचिव रघुनाथ सापकोटाले प्रिमियरमा मिडियालाई प्राथमिकता नदिएको भन्दै आपत्ति व्यक्त गरेका छन् । फिल्म हेरेर शो तय गर्ने उद्देश्यले आएको क्यूएफएक्सको टोली पनि फर्किएको थियो ।
यसबारे निर्देशक सुदर्शन थापा र वितरक गोपाल कायस्थलाई सोध्दा उनीहरुले कुनै प्रतिक्रिया दिएनन् ।आगामी शुक्रबारदेखि प्रदर्शन हुने जनाइएको ‘प्रसाद २’ले अन्तरजातीय विवाह सम्बन्धले सिर्जना गरेको सामाजिक अन्तसंघर्षको कथा पेश गर्छ।
फिल्म हेरेका सेलिब्रिटीले सकारात्मक प्रतिक्रिया दिएको विवरण सामाजिक सञ्जालमा आएका छन् ।
