July 15, 2024 | सोमवार, असार ३१, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

विनादर्ता सञ्चालनमा छन् औषधि पसल

  • साझा परिवेश
  • बुधबार, बैशाख १३, २०८० १३:३३
विनादर्ता सञ्चालनमा छन् औषधि पसल

म्याग्दी । म्याग्दीको दोस्रो ठूलो व्यापारिक केन्द्र दरवाङ बजारमा बिनादर्ता औषधि पसल सञ्चालन हुँदा मानव स्वास्थ्य नै जोखिममा परेको छ । पश्चिम क्षेत्रका नागरिकको स्वास्थ्योपचारलाई मध्येनजर गर्दै दरवाङमा प्राथमिक स्वास्थ्य केन्द्र सञ्चालनमा छ ।

प्राथमिक स्वास्थ्य केन्द्रको गेटमै जोडिएको एउटा औषधि पसल छ, जुन पसलको नाम छैन । स्वास्थ्य केन्द्रकै कर्मचारी जङ्गबहादुर पुनले सञ्चालन गरेको सो औषधि पसलले न त औषधि व्यवस्था विभागबाट इजाजत लिएको छ, न मालिका गाउँपालिकामा दर्ता नै भएको छ ।

जङ्गबहादुरजस्तै अन्य सात जनाले पनि विभागीय दर्ता र स्थानीय तहको अनुमतिबिना नै औषधि विक्री वितरण गर्दैआएका छन् । प्राथमिक स्वास्थ्य केन्द्र दरवाङकै कर्मचरी पुनले आफूले बिनादर्ता औषधि पसल सञ्चालन गरेको बताउनुभयो । “दश वर्षभन्दा बढी समयदेखि चलेका औषधि पसल त दर्ता भएका छैनन्, मैले सञ्चालन गरेको लामो भएको छैन” पुनले भन्नुभयो ।

मालिका गाउँपालिकाकी स्वास्थ्य शाखा प्रमुख सन्तुकुमारी कार्कीका अनुसार गाउँपालिकाको केन्द्र दरवाङ क्षेत्रमा ९ वटा औषधि पसल सञ्चालनमा छन् । एक आयुर्वेदिक र अन्य आठगरी ९ वटा पसलमध्ये दुई वटाले औषधि व्यवस्था विभागमा दर्ता भएको भने पनि उनीहरुले पनि गाउँपालिकामा विभागको दर्ता बुझाएका छैनन् ।

दरवाङ क्षेत्रमा सञ्चालित छ वटा औषधि पसलले कँही कतै कुनै पनि दर्ता नगरेको कार्कीको भनाइ छ । स्वास्थ्य क्षेत्रकै कर्मचारीले औषधि पसल सञ्चालन गरेको भए पनि दर्ता भने गरेका छैन ।

मालिका गाउँपालिकाको कार्यालयसँगै जोडिएर रहेको औषधि पसलको पनि नाम छैन । न त दर्ता प्रमाणपत्र र साइनबोर्ड नै । गाउँपालिकाकै जनस्वास्थ्य निरीक्षक राजेश थापा मगरले सञ्चालन गरेको सो औषधि पसल पनि दर्ता छैन । गाउँपालिकाकै स्वास्थ्य शाखाका कर्मचारीले गाउँपालिकासँगै जोडिएको घरमा चलाएको पसलको समेत न त विभागीय अनुमति छ न त कहीँ कतै दर्ता ।

पसलका सञ्चालक थापाले आफू गाउँपालिकाको कर्मचारी भए पनि बिनादर्ता पसल सञ्चालन गरेको बताउनुभयो । विभागबाट अनुमति लिएको छैन र अरु पनि अनुमतिबिना नै सञ्चालित छन् । गाउँपालिकामा स्वास्थ्य क्षेत्रको नियमन गर्ने फाँटमा आफु भए पनि आफैले अवैध तबरले पसल सञ्चालन गरिरहेको उहाँको स्वीकारोक्ती छ ।

संविधानको धारा ४४ को उपधारा १ मा प्रत्येक उपभोक्तालाई गुणस्तरीय वस्तु तथा सेवा प्राप्त गर्ने हक हुनेछ भन्ने उल्लेख छ । उपधारा २ मा गुणस्तरहीन वस्तु वा सेवाबाट क्षति पुगेको व्यक्तिलाई कानुनबमोजिम क्षतिपूर्ति पाउने हक हुनेछ उल्लेख छ ।

गोरखापत्र अनलाइन
0

  • साझा परिवेश
  • बुधबार, बैशाख १३, २०८० १३:३३

प्रतिक्रिया

तपाइको प्रतिक्रिया दिनुहोस्