शसस्त्रका घुमुवा रामलाई साठ्ठीबिघाका व्यापारीले दिए राम धुलाइ !

झापा ।।

काँकरभिट्टामा घुमुवा परिचालित सशस्त्रको उठन्ती चलेको लामो समय भयो । तर आतंक मच्चाउँदै अवैध असुली चलाउँदै का घुमुवा प्रहरीलाइ कारवाही गर्नुको सट्टा केन्द्र सम्मले संरक्षण दिइरहेको छ ।
सशस्त्र प्रहरी बलमा राजु अर्याल महानिरीक्षक भएपछि देशव्यापी रूपमा नै एउटा परिपत्र गरियो कि बिशेष व्युरो बाहेक अन्य कुनै पनि मातहतका कार्यालयले सिभिलमा घुमुवा परिचालन गर्न पाइने छैन ।
तर त्यो परिपत्रको धज्जी उडाउदै झापामा सादा पोशाकका घुमुवाहरूले खुलेयाम तस्कर र व्यापारीबाट रकम असुलीको कामहरू गरिरहेका छन । तर जिल्ला प्रमुखको संरक्षणमै अराजक गतिबिधीमा संलग्न घुमुवा परिचालित भइरहेका छन ।
झापाका सशस्त्र एसपी र काँकरभिट्टा इन्सपेक्टरको नाम बेचेर पूर्वी नाका काकँरभिट्टा सशस्त्र प्रहरी जवान रामवहादुर तामाङले खुलेयाम असुली धन्दा चलाउँदै आएका थिए । उनलाई कारवाही गर्नुको सट्टा नाकामा सरक्षण गरेर राख्दा फेरि अर्को काण्ड मच्चिएको छ । काँकरभिट्टा स्थित बिओपी बाट सादा पोशाकमा घुमुवाको रूपमा परिचालन छन यिनी । त्यति मात्रै होइन घुमुवा रामले व्यापारी र तस्करहरू सँग असुल्ने रकम माथि नभन्न भन्दै दवाव दिने र पैसा दिएको केही दिनमै सामान समात्ने गरेका छन ।
यो बिषयमा काँकरभिट्टाका डिएसपी जिल्लाका एसपी कोशी प्रदेशका डिआइजीलाइ थाहा नभएको पनि होइन तर पटक पटक बिबादमा आएका घुमुवा किन संरक्षण गर्छन प्रश्न उत्पन्न भएको छ । यिनै घुमुवालाइ आज मेचीनगर ६ साठ्ठीबिघाका व्यापारीहरुले राम धुलाइ हानेका छन । व्यापारीको सामान बाटो छेकेर जवरजस्ती खोस्न खोज्दा आफ्नो सामान र ज्यानको सुरक्षाको लागि उनीहरु भगेका थिए । भाग्ने क्रममा महिला व्यापारी माथि जवरजस्ती सामान खोस्न खोज्दा उनीहरुले प्रतिकार गरेको बताउँछन । केही समय साठ्ठीबिघा क्षेत्र तनावग्रस्त बनेको थियो ।
यस बिषयमा सशस्त्र प्रहरी काँकरभ्टिाका प्रमुख सम्पर्क सम्पर्क गर्दा कल उठ्न सकेन् । आर्थिक लेनदेन , उठन्ती र घुमुवा परिचालन गर्ने सबै अधिकार सशस्त्र प्रहरीको माथिल्लो क्षेत्रबाट आएको आदेश झै गरेर नाकामा राज्य चलाइरहेका छन । यस बिषयमा भखरै पूर्व क्षेत्रमा डिआइजी भएर आएका प्रमुख , झापाका एसपी लाई जानकारी नभएको पनि होइन तर अनुसन्धान नगर्दा उनी नाकामा डन झै भइरहेका स्रोत बताउँछ ।
रकम उठाइ कमाउ धन्दा चलाउँने प्रहरीका रुपमा बिगतमा समेत विवादमा आएका जवानलाइ सशस्त्र प्रहरी सरक्षण गर्नुको पछाडीको रहस्य माथि प्रश्न गर्न सकिन्छ । व्यापारीसँग पैसा उठाउनकै लागि नाकामा प्रहरीलाई सिविलमा हिनाउने र माथिल्लो निकायबाट संरक्षण हुदा हाकिमकै लागि पैसा उठाउने भएपछि उनिहरुले जहिल्यै पनि उन्मुक्ति पाइरहेको तितो यर्थाथ छ । #श्रोत अनुसन्धान अनलाइन

• संसद विघटन