राजनीति र विदेशी लगानीमा अनुसन्धान महत्वपूर्ण : शंकर पोखरेल
साझा परिवेश
शुक्रबार, बैशाख २२, २०८० ११:१९
काठमाडौं । नेकपा एमालेका महासचिव शंकर पोखरेलले नेपालको राजनीतिक अस्थिरतामा विदेशी लगानीमा गरिएका अनुसन्धान पनि हात रहेको टिप्पणी गरेका छन् । विदेशी लगानीमा गरिएका कथित अनुसन्धानबाट प्रवाह गरिएका प्रायोजित विचारले नेपालमा सामाजिक अराजकता सिर्जना गरेको र त्यो पनि राजनीतिक अस्थिरताको कारण भएको उनको भनाइ छ ।
“वि.सं. २०४६ को परिवर्तनपछिका ३३ वर्षमा २८ भन्दा बढी प्रधानमन्त्री हुने राजनीतिक अस्थिरताको सर्जक नेपालका राजनीतिक दल र तिनका नेताहरूमात्र हुन् कि विदेशी लगानीमा गरिएका कथित अनुसन्धानबाट प्रवाह गरिएका प्रायोजित विचारले सिर्जित सामाजिक अराजकता पनि हो ?,” पोखरेलले सामाजिक सञ्जालमार्फत प्रश्न गरेका छन् ।
विकास र समृद्धिका लागि राजनीतिक स्थायित्व र राजनीतिक स्थायित्वका लागि बलियो राष्ट्रिय शक्तिको निर्माण आवश्यक रहेको उनको धारणा छ । यसमा छलफल आवश्यक रहेको उनले बताएका छन् ।
