ट्विटरमा १४० सकेण्डको भिडियो मात्रै अपलोड गर्न पाउने
साझा परिवेश
शुक्रबार, जेष्ठ ५, २०८० १५:0९
काठमाडौं । एलन मस्कले ४४ अर्ब अमेरिकी डलरमा खरिद गरेयता ट्विटरमा निरन्तर व्यापक परिवर्तन हुँदै आएको छ । यसबीच बिहीबार कम्पनीका मालिक मस्कले एक नयाँ फिचर थप गरेको घोषणा गरे । मस्कका अनुसार अब ट्विटरमा भेरिफाइड भएका अथवा ब्लू टिकमार्क पाएका प्रयोगर्ताले दुई घण्टा लामो (आठ जीबी) सम्मको भिडियो अपलोड गर्न पाउनेछन् ।
पैसा तिरेर मिल्ने ब्लू टिकमार्क भएका प्रयोगकर्तालाई यसअघि एक घण्टा लामो भिडियो अपलोड गर्न मिल्ने फिचर उपलब्ध थियो ।
भेरिफाइड नभएका अरु प्रयोगकर्ताले भने १४० सेकेण्ड लामो भिडियोमात्रै अपलोड गर्न पाउनेछन् । मस्कले फिचर घोषणा गर्ने बित्तिकै केही प्रयोगकर्ताहरूले ट्विटरमा पाइरेटेड फिल्म अपलोड गरेका थिए । तर, केही समयपछि ट्विटरले उक्त भिडियो हटाएको थियो ।
ट्विटरको यो नयाँ फिचरले यसलाई युट्युब र फेसबुक जस्तै बनाउने संकेत गरेको छ । यद्यपि, अहिलेसम्म यसमा भिडियोका लागि छुट्टै ट्याब भने उपलब्ध भइसकेको छैन ।
