May 27, 2024 | सोमवार, जेष्ठ १४, २०८१
सुचनाहरु
नारायणगढ-मुग्लिन सडकमा चारवटा गाडी ठोक्किँदा १ जनाको मृत्यु, २२ घाइते आइपिएलको उपाधी कोलकाता नाइट राइडर्सले जित्यो आज नेपालले वार्म अप खेलमा क्यानडाको सामना गर्दै विश्वप्रकाशको प्रश्न- महान्यायाधिवक्ताको कार्यालय रास्वपाको भातृ संस्था हो ? संसदको गतिरोध हटाउन एकीकृत समाजवादीले गरायाे प्रधानमन्त्रीकाे ध्यानाकर्षण नारायणगढ–मुग्लिन सडकमा पहिरोमा पुरिएर स्काभेटर चालकको मृत्यु शेयर बजार २२ अङ्कले घट्यो विमानस्थलको पार्किङबाट सुनजस्तो देखिने धातुसहित महिला पक्राउ नाराबाजीका बीच सरकारको नीति तथा कार्यक्रम पारित बजेट वक्तव्य पढ्नुअघि सहमति हुन्छ- प्रधानमन्त्री ‘सहकारी ठगहरुलाई सरकारले जोगायो’ : सांसद चित्र बहादुर केसी विपीले स्थापित गरेको मानकलाई कांग्रेसले लज्जास्पद बनायो- डा. स्वर्णिम वाग्ले आज कति छ सुनचाँदीको मूल्य ? कान्तिपुर अध्यक्ष सिरोहियाको स्वास्थ्यमा समस्या ,अस्पताल भर्ना कस्तो रहला आजको मौसम ? पहिलो अभ्यास खेलमा ह्युस्टन हुरीकेन्स नेपालसग ६ रनले पराजित गायिका अभय सुब्बाले ‘सन्दीपका समर्थकले मलाई अनफ्रेन्ड गर्नु’ भनेपछि राष्ट्रिय सभामा पनि कांग्रेसको अवरोध, बैठक स्थगित दीपेन्द्रले चोटका कारण ह्युस्टनसँगको २ अभ्यास खेल गुमाउने बालेनले संघीय सरकारलाई भने– कि आफैँ काम गर्नु, कि हामीलाई गर्न दिनु

कालीकोटमा खाद्यान्न अभाव

  • साझा परिवेश
  • शुक्रबार, जेष्ठ १२, २०८० ११:३0
कालीकोटमा खाद्यान्न अभाव

कालीकोट । कालीकोट जिल्लामा खाद्यान्न अभाव हुने भएको छ । सरकारले दिँदै आएको चामल अभाव हुँदा अहिले खाद्य व्यवस्था तथा व्यापार कम्पनी लिमिटेड मान्मको गोदाम रित्तो हुन पुगेको छ ।

सरकारको फितलो तयारी र व्यवस्थाका कारण कर्णालीमा हरेक वर्ष खाद्यान्न अभाव हुने गरेको छ । कर्णालीलगायतका दुर्गम स्थानमा खाद्यान्न ढुवानी गर्न सरकारले बजेट विनियोजन गरे पनि कमिसनको चक्करमा ढुवानी हुन नसक्दा सर्वसाधारणले समयमा चामल पाउन कठिन हुने गरेको छ ।

दैनिक २० क्विन्टलदेखि ३० क्विन्टलसम्म चामल बिक्री  हुने कालीकोटमा तोकिएको समयमा चामल ढुवानी नहुँदा खाद्यान्नको चरम अभाव भएको कार्यालय जनाएको छ ।

खाद्य व्यवस्था तथा व्यापार कम्पनी लिमिटेड कालीकोट शाखा प्रमुख कमलराल पाण्डेले नेपालगन्ज र बर्दियादेखि आउने चामल समयमै नआउँदा कालीकोट जिल्लामा खाद्यान्नको अभाव भएको बताउनुभयो । सुर्खेतबाट आउने चामल ठेकेदारले समयमै ल्याउन नसक्नु, नेपालगन्ज र बर्दियामा पनि चामल नहुँदा कालीकोटमा खाद्य अभाव भएको प्रमुख पाण्डेको भनाइ छ ।

कुनै बेला सरकारले अनुदानमा दिने खाद्य लुछाचुडी हुने भए पनि अन्य समयमा खाद्य व्यवस्था तथा व्यापार कम्पनी लिमिटेडको चामल कम बिक्री  हुने गरेको थियो । पछिल्लो समयमा बजार मूल्य बढेका कारणले सरकारी अनुदानको चामल बढी बिक्री  हुने गरेको छ । सरकारले तोकेको कोटाभित्रको नौ हजार क्विन्टल चामल खपत भइसकेको छ ।

कालीकोट डिपोले यस वर्षका लागि १२ हजार क्विन्टल चामल माग गरेको थियो । नौ हजार सकिएको र अब तीन हजार क्विन्टल चामल आउन बाँकी छ ।

किसानले असार लगाउन र कामको सिजनमा खाद्य मौज्दात गर्ने समय यति बेला भएको भए पनि गोदाममा चामल नहुँदा खाली फर्किने गरेका छन् । अहिले जसोतसोे गोदाममा जम्मा तीन सय क्विन्टल मध्यम खालको अरुवा चामल मात्र छ ।

जिल्ला कृषि विकास कार्यालय कालीकोटले गरेको सर्वेक्षणमा जिल्लामा खडेरी, सिँचाइको अभाव, खाने बानीमा सुधार नहुनुलगायतका समस्याले खाद्य असुरक्षा बढ्दै गएको देखिन्छ । खाद्य असुक्षित कालीकोटमा ४० प्रतिशत मानिस छ महिना मात्रै आफ्नो उत्पादनले खान पुग्ने छन् । कृषिमा आत्मनिर्भर हुन नसक्दा ५५ प्रतिशत मानिसको उमेर अनुसार उचाइ र तौल नभएको स्वास्थ्य सर्वेक्षणले देखाउँछ ।

  • साझा परिवेश
  • शुक्रबार, जेष्ठ १२, २०८० ११:३0

प्रतिक्रिया

तपाइको प्रतिक्रिया दिनुहोस्

नेपाल अपडेट