June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

छात्रालाई विद्यालयमा टिकाउन दुई सय ८० वटा साइकल वितरण

  • साझा परिवेश
  • बुधबार, जेष्ठ १७, २०८० १0:१0
छात्रालाई विद्यालयमा टिकाउन दुई सय ८० वटा साइकल वितरण

कपिलवस्तु  । माध्यमिक तह अध्ययन गर्न सहज गराउन विजय नगर गाउँपालिकाले छात्राहरूलाई साइकल वितरण गरेको छ । आधारभूत तह उत्तीर्ण हुनु भएका दुई सय ८० छात्राहरूले उच्च शिक्षा अध्ययन गर्न प्रोत्साहन स्वरूप साइकल उपहार दिएको गाउँपालिका अध्यक्ष गोपाल बहादुर थापाले बताउनु भयो ।

मुख्यमन्त्री शैक्षिक सुधार कार्यक्रम अन्तर्गत छात्राहरूलाई साइकल र शैक्षिक सामग्री वितरण गरिएको छ । पालिकाले ‘छोरी पढाउ, छोरी बचाउ’ अभियान सञ्चालन गरी छात्राहरूको विद्यालय छाड्ने दर शून्यमा झार्ने अभियान चलाएको छ । आधारभूत तह अध्ययन पछि छात्राहरूले विद्यालय टाढा भएर छोड्ने, घरायसी काममा व्यस्त हुँदा माध्यमिक र उच्च शिक्षा अध्ययन नगर्ने प्रचलन रहेकोले ‘छोरी पढाउ, छोरी बचाउ’ अभियान चलाएको थापाले बताउनु भयो ।

प्रदेश सरकार र विजय नगर गाउँपालिकाको संयुक्त साझेदारीमा उक्त सामग्री वितरण गरिएको प्रमुख प्रशासकीय अधिकृत शोभाराम रिजालले बताउनुभयो । यसै गरी ४ सय ३२ जना छात्रालाई शैक्षिक सामग्री प्रदान गरिएको छ । गाउँपालिकाले कक्षा ९ मा अध्ययनरत छात्रा विद्यार्थीलाई साइकल र कक्षा ६ मा अध्ययनरत छात्रा विद्यार्थीलाई शैक्षिक सामग्री दिएको हो । कक्षा ६ का विद्यार्थीलाई झोला, एक÷एक दर्जन कपी, कलम र कक्षा ९ विद्यार्थीलाई साइकल प्रदान गरिएको हो ।

गाउँपालिका उपाध्यक्ष लक्ष्मी कुमारी चौधरीले छोरीले घरायसी काम मात्र सीमित नभएर उच्च शिक्षा र रोजगारीको अवसर समेत हासिल गर्न सक्ने वातावरण सिर्जना गर्न अवसर दिएको बताउनु भयो । ग्रामीण क्षेत्रका अभिभावकहरूले छात्राहरूलाई शिक्षामा लगानी गर्न चासो नदिने हुँदा पालिकाले योजना बनाई लागु गरेको शिक्षा शाखा प्रमुख हरिहर बेल्बासेले बताउनु भयो ।

  • साझा परिवेश
  • बुधबार, जेष्ठ १७, २०८० १0:१0

प्रतिक्रिया

तपाइको प्रतिक्रिया दिनुहोस्