July 20, 2024 | शनिबार, साउन ५, २०८१
सुचनाहरु
गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि कनकाई सर्पदंश उपचार केन्द्रमा १७७ जनाले लिए सेवा झापामा २ जना फरार प्रतिवादी पक्राउ राष्ट्रिय सभा बैठक बस्दै, यस्तो छ कार्यसूची बङ्गलादेशमा आरक्षण विरुद्धको प्रदर्शन हिंसात्मक बन्दै, १९ जनाको मृत्यु डा.माबोको `डोलीभर्ना´ शुक्रबार लोकार्पण हुँदै गायक यशकुमारको हिरो सार्वजनिक ; दिपेन्द्र ,रोजेन र गरिमाको अभिनय मन्त्रीपरिषद बैठक बस्दै देशको अवस्था राम्रो र प्रशंसा गर्न लायक छैन : प्रधानमन्त्री ओली ‘आइसिसी डिजिटल फ्यान इन्गेजमेन्ट अवार्ड’ नेपालले पाएकोमा प्रधानमन्त्रीद्वारा बधाई ज्ञापन १५ गतेसम्म प्रतिनिधिसभाका ६ वटा बैठक सञ्चालन गर्ने निर्णय प्रधानमन्त्री ओलीले आइतबार विश्वासको मत लिने डेंगुको आशङ्का लागेमा निःशुल्क ‘हटलाइन टेलिफोन ११८०’ मा फोन गर्न काठमाडौँ महानगरको आग्रह चीनको डिपार्टमेन्टल स्टोरमा आगलागी, १६ जनाको मृत्यु एक वर्षमा रोजगारीका लागि सात लाखभन्दा बढी नेपाली बिदेश उडे एक वर्षमा २०१ भ्रष्टाचारका मुद्दा दर्ता, ५२४ कर्मचारी तानिए

गगन थापा : अब उमेदवार छानिन्छ, गुट भत्किन्छ

  • साझा परिवेश
  • शुक्रबार, जेष्ठ १९, २०८० १६:२८
गगन थापा : अब उमेदवार छानिन्छ, गुट भत्किन्छ

काठमाडौं । नेपाली कांग्रेसका महामन्त्री गगन थापाले कांग्रेस नबदलीयसम्म नेपालको शासन व्यवस्था नबदलिने भन्दै कांगेसलाई बदल्नुपर्ने बताएका छन् । नेपाल प्रेस युनियनको उपत्यका तथा प्रतिष्ठान प्रदेशको प्रथम अधिवेशन उद्घाटनमा महामन्त्री थापाले कांग्रेस रूपान्तरण अनिवार्य भएको बताए । “अहिलेको कांग्रेस नबदली विश्वास फर्किनेवाला छैन । बदल्ने भनेको कांग्रेसलाई ठिक बाटोमा हिँडाउने हो,” थापाले भने, “कांग्रेस १४औँ महाधिवेशन पछि विधानअनुसार चल्न सकेको छैन । वर्तमान नेतृत्वबाट जनतामा आशा फर्कनेवाला छैन ।”

उनले कांग्रेसले सबैभन्दा बढी विश्वास कांग्रेस सबल भएकै ठाउँमा गुमाएको भन्दै विश्वास फर्काउनु चुनौतीपूर्ण भएको बताए । “कांग्रेसले आफू सबल भएका ठाउँमै विश्वास गुमाएको छ । यो समस्या कांग्रेसले समाधान गर्न सकेको छैन, या गर्छ भनेर जनतालाई विश्वास लागिरहेको छैन,” थापाले भने । उनले पार्टीभित्र सामूहिक नेतृत्वको अभ्यास नहुनु, विधान अनुसार नचल्नु, जनताका समस्या समाधानमा ध्यान नदिनु र जनताका अपेक्षा विपरीत चल्नु समस्या भएको बताए ।

“कांग्रेसमा सभापतिको एकल शो चल्यो । पार्टीभित्र सल्लाह भएन विधानको पालना भएन । अहिले प्रचार विभाग बन्यो, काविल साथी आउनुभएको छ, मैले गरेको भए पनि उहाँलाई नै छान्थे,” थापाले भने, “तर, त्यो काम विधानले तोकेको समयमा भएन, एउटा विभाग बन्यो, अरू बनेनन् । सभापतिलाई मन लाग्यो बनाउनुभयो ।” उनले पार्टीभित्र हुने गुट सामान्य भए पनि गुटहरू गिरोह बनेकोमा चिन्ता व्यक्त गरे ।

“गुट हुनु सामान्य कुरा हो । तर, कांग्रेसका गुट गिरोहमा परिणत भएका छन् । यसको अन्त्यका लागि गुट भत्काउनुपर्यो। त्यसका लागि सदस्यता प्रणाली परिवर्तन गर्नुपर्छ,” थापाले भने, “उमेदवार संसदीय समितिले होइन, क्षेत्रभित्रका कांग्रेसका क्रियाशिलले छान्ने व्यवस्था गर्ने हो । अव गुट यसरी अन्त्य हुन्छ ।” उनले देशभरका कांग्रेसलाई समस्याबाट नभाग्न आग्रह गर्दै हाम्रो कांग्रेस हामी बनाउँछौँ, लड्छौ भन्ने संकल्प गर्न आह्वान गरे ।

 

  • साझा परिवेश
  • शुक्रबार, जेष्ठ १९, २०८० १६:२८

प्रतिक्रिया

तपाइको प्रतिक्रिया दिनुहोस्