June 13, 2024 | बिहिबार, जेष्ठ ३१, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

विद्यार्थीहरूलाई लू लाग्ने अवस्था आइसक्यो सरकार के हेरेर बसेको छ ?

  • साझा परिवेश
  • बिहिबार, जेष्ठ २५, २०८० १२:५९
विद्यार्थीहरूलाई लू लाग्ने अवस्था आइसक्यो सरकार के हेरेर बसेको छ ?

काठमाडौं ।।

प्रतिनिधिसभा बैठकमा सांसदहरूले बढ्दो गर्मीले जनजीवनमा परेको असरदेखि काठमाडौं उपत्यकामा भूमिगत पानी पुनर्भरणलगायत विषय उठाएका छन् । बिहीबार शून्य समयमा सांसद तेजुलाल चौधरीले दिन प्रतिदिन ४० डिग्री सेल्सियसभन्दा माथि तापक्रम पुगेको भन्दै तराईका विद्यार्थीहरू समस्यामा परेको बताए । उनले तराईका अधिकांश जिल्लामा जस्तापाताले विद्यालयको छाना बनाइएको भन्दै त्यसलाई प्रतिस्थापन गरेर छाना ढलान गर्न माग गरे ।

उनले ढलान नभएसम्म त्यहाँ फ्यानको व्यवस्था गर्न माग गरे । सांसद धवलशमशेर राणाले गर्मीमा लोडसेडिङ हुँदा नेपालगन्जका जनतालाई बस्न गाह्रो भएको भन्दै त्यसतर्फ ध्यान दिन आग्रह गरे । नेपालगन्ज कारागारमा कैदीहरूलाई कोचेर राखेको भन्दै उनले त्यहीँ भएको क्षेत्रीय कारागार सञ्चालनमा ल्याएर समस्या समाधान गर्न आग्रह गरे ।

सांसद निर्मला कोइरालाले तराईका जिल्लाहरूमा ४४ डिग्री सेल्सियसभन्दा बढी गर्मी हुँदा विद्युत् आपूर्ति किन असहज भयो भन्दै प्रश्न गरिन् । उनले जनतामा लू लाग्ने सम्भावना बढी भएको र हिँड्दा हिँड्दै ढल्ने अवस्था आएको बताइन् । पानीको मुहान पनि सुकेको भन्दै उनले त्यसतर्फ सरकारको ध्यानाकर्षण गराइन् ।

सांसद प्रदीप पौडेलले गर्मीले तराईका जनतामा लू लाग्ने खतरा बढेको भन्दै सरकारले के गरिरहेको छ भनी प्रश्न गरे । विद्यालय बन्द गरिएको, पानीको मुहान सुकेकोे भन्दै उनले यो समस्याको तत्कालीन र दीर्घकालीन समाधानका लागि सरकारले के गर्दै छ भनी प्रश्न गरे । सांसद दिलेन्द्रप्रसाद बडूले देशभर ३५ भन्दा बढी जिल्लामा पशुचौपायामा लम्की स्किन रोग महामारीका रूपमा फैलिएको भन्दै रोकथामका लागि आग्रह गरे ।

सांसद डीपी अर्यालले काठमाडौं उपत्यकामा भूमिगत पानी तान्ने काम मापदण्डभन्दा विपरीत भइरहेको भन्दै यसलाई पुनर्भरण गर्न माग गरे । हाल दैनिक १३ करोड बढी पानी तान्ने काम भइरहेको भन्दै उनले जति पानी निकाले पनि २० हजार रुपैयाँ तिर्नुपर्ने अवैज्ञानिक मापदण्डमा पुनर्विचार गर्न आग्रह गरे । सांसद तारा लामा तामाङले कञ्चनपुरमा छोटी भन्सार कार्यालय बन्न नसक्दा राजस्व चुहावट भइरहको भन्दै यसतर्फ ध्यानाकर्षण गराए । सांसद दामोदर पौडेल ‘बैरागी’ले संघीय निजामती ऐन संसद्को यसै अधिवेशनबाट ल्याउन माग गरे ।

सांसद दामोदर भण्डारीले बैतडीमा अस्पतालको समस्या उठाए । सांसद निशा डाँगीले वाग्मती सरसरफाइको विषयमा प्रश्न उठाइन् । त्यसका लागि हरेक वर्ष दुई अर्ब रुपैयाभन्दा बढी लगानी भइरहेको भन्दै उनले सहरको यो दुर्दशा कहिले अन्त्य हुन्छ भन्दै प्रश्न गरिन् ।

  • साझा परिवेश
  • बिहिबार, जेष्ठ २५, २०८० १२:५९

प्रतिक्रिया

तपाइको प्रतिक्रिया दिनुहोस्