July 20, 2024 | शनिबार, साउन ५, २०८१
सुचनाहरु
गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि कनकाई सर्पदंश उपचार केन्द्रमा १७७ जनाले लिए सेवा झापामा २ जना फरार प्रतिवादी पक्राउ राष्ट्रिय सभा बैठक बस्दै, यस्तो छ कार्यसूची बङ्गलादेशमा आरक्षण विरुद्धको प्रदर्शन हिंसात्मक बन्दै, १९ जनाको मृत्यु डा.माबोको `डोलीभर्ना´ शुक्रबार लोकार्पण हुँदै गायक यशकुमारको हिरो सार्वजनिक ; दिपेन्द्र ,रोजेन र गरिमाको अभिनय मन्त्रीपरिषद बैठक बस्दै देशको अवस्था राम्रो र प्रशंसा गर्न लायक छैन : प्रधानमन्त्री ओली ‘आइसिसी डिजिटल फ्यान इन्गेजमेन्ट अवार्ड’ नेपालले पाएकोमा प्रधानमन्त्रीद्वारा बधाई ज्ञापन १५ गतेसम्म प्रतिनिधिसभाका ६ वटा बैठक सञ्चालन गर्ने निर्णय प्रधानमन्त्री ओलीले आइतबार विश्वासको मत लिने डेंगुको आशङ्का लागेमा निःशुल्क ‘हटलाइन टेलिफोन ११८०’ मा फोन गर्न काठमाडौँ महानगरको आग्रह चीनको डिपार्टमेन्टल स्टोरमा आगलागी, १६ जनाको मृत्यु एक वर्षमा रोजगारीका लागि सात लाखभन्दा बढी नेपाली बिदेश उडे एक वर्षमा २०१ भ्रष्टाचारका मुद्दा दर्ता, ५२४ कर्मचारी तानिए

‘नालापानी’को च्यारिटीमा चलचित्र ‘कोतपर्व’बारे जानकारी

  • साझा परिवेश
  • शुक्रबार, असार १, २०८० ११:१८
‘नालापानी’को च्यारिटीमा चलचित्र ‘कोतपर्व’बारे जानकारी

काठमाडौँ।
बिहिबार काठमाडौँमा आयोजित ऐतिहासिक नेपाली चलचित्र ‘नालापानी’को च्यारिटी प्रदर्शनीमा निर्माणाधिन चलचित्र ‘कोतपर्व’बारे जानकारी गराईएको छ । वि.सं. १९०३ असोज २ गते काठमाडौँको हनुमाढोका दरबारमा घटेको नेपालको ऐतिहासिक र सनसनीपूर्ण घटना ‘कोतपर्व’मा आधारित रही बन्ने सो चलचित्रलाई रिमेश अधिकारीले निर्देशन गर्दैछन् । यसअघि अधिकारीले ‘नालापानी’ निर्देशन गरेका थिए ।

प्रतिनिधि सभा सदस्य हरि ढकालको प्रमुख आथित्यतामा भएको सो च्यारिटी कार्यक्रममा ‘कोतपर्व’का निर्देशक, लेखक तथा निर्माता परिचय गराईएको छ । यस चलचित्रका निर्देशक अधिकारीको कम्पनी ‘रिमेश अधिकारी फिल्मस’ र यस चलचित्रका एशोसियट निर्देशक श्रीदेव बिएलको कम्पनी ‘श्रीत फिल्म्स एण्ड इन्टरटेन्मेन्ट’को संयुक्त ब्यानरमा यो चलचित्र बन्ने जानकारी गराईएको छ । जसका कार्यकारी निर्माता शिवचन्द्र रहेका छन् भने आरसि शर्मा र सारदा खड्का अर्याल निर्माता र राजेन्द्र ढकाल (राजु) र राजाराम सुवाल सह निर्माता रहेका छन् । ‘कोतपर्व’लाई महेश दवाडीले लेखिरहेका छन् ।

‘कोतपर्व’बारे विस्तृत जानकारी तथा कलाकारहरु र सम्पूर्ण टिमसहित केहि समयपछि पत्रकार सम्मेलनको आयोजना गरी जानकारी गराईने निर्देशक अधिकारीले बताए । उनले ‘नालापानी’ देखाएको मौका छोपी निर्माता टिम परिचय गराएको बताए ।

कार्यक्रममा बोल्दै प्रमुख अतिथि ढकालले सात बर्ष लगाएर ऐतिहासिक चलचित्र ‘नालापानी’ बनाएकोमा धन्यवाद दिँदै नयाँ चलचित्र ‘कोतपर्व’लाई सफलताको शुभकामना दिँदै नेपालमा पछिल्लो समय इतिहास बिर्सने, इतिहास नपढ्ने र कतिपय ऐतिहासिक दस्तावेजहरु हुनुपर्ने ठाउँमा नहुने देखिएको बताए । “त्रिभुवन विश्वविद्यालयमा अहिले इतिहाससँग सम्बन्धित प्राध्यापकहरु हुनुहुन्छ तर, पढ्ने विद्यार्थी छैनन् । जुन देशको कला संस्कृति र इतिहासमा यस प्रकारको विपद आउँछ, यसले सामजिक विचलन ल्याउँछ”, ढकालले भने, “कला, संस्कृति, धर्म र इतिहासको विचलन आउने बित्तिकै समाजमा विचलन आउँछ । हामीले ति लक्षणहरु भोगिसकेका छौँ ।” ढकालले आफ्ना छोराछोरीलाई हाम्रा गर्विला इतिहासलाई पढ्न, सुनाउन अग्रसर रहनैपर्ने बताए ।

नेपालीको कला र संस्कृतिलाई विश्वमाझ पुर्‍याउने उद्देश्यका साथ सक्रिय ‘नेशनल डेल्फिक काउन्सिल नेपाल’ले आयोजना गरेको च्यारिटी कार्यक्रममा ‘वीर विभुती बलभद्र कुँवर प्रतिष्ठान’का अध्यक्ष प्रा.डा. धनबहादुर कुँवर, ‘महान योद्धा वीर बलभद्र स्मृति समाज’का अध्यक्ष रामराजा कुँवर (बलभद्र कुँवरका पाँचौ पुस्ता) र ‘कुँवर समाज’का अध्यक्ष डा. देशराज कुँवरलाई सम्मान प्रदान गरिएको थियो ।

श्रोत: ठुलो पर्दा

  • साझा परिवेश
  • शुक्रबार, असार १, २०८० ११:१८

प्रतिक्रिया

तपाइको प्रतिक्रिया दिनुहोस्