चार्टर्ड एकाउन्टेन्सी रोज्दा भविष्य राम्रो : गभर्नर अधिकारी
साझा परिवेश
बिहिबार, असार १४, २०८० १७:0१
चार्टर्ड एकाउन्टेन्सीमा भविष्य राम्रो
चार्टर्ड एकाउन्टेन्टको काम महत्वपूर्ण हुँदै
अन्तर्राष्ट्रिय रूपमा नै चार्टर्ड एकाउन्टेन्सीको विकास र विस्तार हुँदै गएको
काठमाडौं ।।
नेपाल राष्ट्र बैंकका गभर्नर महाप्रसाद अधिकारीले चार्टर्ड एकाउन्टेन्सीमा भविष्य राम्रो भएको बताएका छन् । बिहीबार काठमाडौंमा नेपाल चार्टर्ड एकाउन्टेन्ट्स संस्थाले आयोजना गरेको कार्यक्रममा बोल्दै उनले यस्तो बताएका हुन्।
उनले पछिल्लो समय प्रविधिको विकाससँगै चार्टर्ड एकाउन्टेन्टको काम महत्वपूर्ण हुँदै गएको बताए । चार्टर्ड एकाउन्टेन्सी पेसालाई रणनीतिक र विश्वसनीय व्यापार साझेदारको रूपमा परिभाषित गर्न आवश्यक रहेको उनको भनाइ थियो ।
उनले विश्वमा पछिल्लो समय अन्तर्राष्ट्रिय रूपमा नै चार्टर्ड एकाउन्टेन्सीको विकास र विस्तार हुँदै गएको भन्दै भविष्यमा राम्रो सम्भावना रहेको बताएका हुन् ।
