June 14, 2024 | शुक्रबार, जेष्ठ ३२, २०८१
सुचनाहरु
श्री केश तेल गुणस्तरीय रहेको उत्पादन कम्पनीको दावी घट्यो सुनको मूल्य, आज कतिमा हुँदैछ कारोबार ? कस्तो रहला आजको मौसम ? प्रतिनिधि सभाको बैठक दुई दिन स्थगित मोदीको शपथ ग्रहणमा भाग लिन प्रधानमन्त्री दाहाल आज भारत जाँदै दुर्ब्यशन विरुद्ध रङ्गभर्दै गौरादह जेसीज सुनको मूल्यमा नयाँ कीर्तिमान टी-२० विश्वकप: नामिबियामाथि स्कटल्याण्ड ५ विकेटले विजयी गौरादहमा खुल्यो “दर्पण कला सँसार”…… गृहमन्त्रीले गिरीबन्धुको फाइल खोल्ने होइन, बोल्नपनि सक्नुहुन्न : विश्वप्रकाश शर्मा मोदीको शपथ ग्रहण समारोहमा जाने तयारीमा प्रधानमन्त्री प्रचण्ड सुनको मुल्य अहिलेसम्मकै उच्च बालेनलाई न्यूरोडको फुटपाथ बढाउन दिनुपर्छ, केन्द्रको हस्तक्षेप बन्द गर- महामन्त्री शर्मा प्रतिनिधिसभाको बैठक आज बस्दै, यस्तो छ आजको कार्यसूची स्रोत नखुलेको ६९ लाखसहित चारजना चिनियाँं नागरिक पक्राउ टी–२० विश्वकप क्रिकेटमा अस्ट्रेलियासँग ओमान ३९ रनले पराजित सहकारी ठगि छानबिन संसदीय समितिको पहिलो बैठक शुरु विपद क्षेत्रको रिपोर्टिङमा जाने पत्रकार र स्वयंसेवकलाई तालिम दिइने सेयर बजारमा ५.५८ अंकको गिरावट हावाहुरी र चट्याङसहित पानी पर्ने सम्भावना

१-१ महिनामा बस्नुपर्ने विधानमा छ, एक वर्षसम्म बसेको छैन

  • साझा परिवेश
  • आइतवार, असार १७, २०८० १४:४१
१-१ महिनामा बस्नुपर्ने विधानमा छ, एक वर्षसम्म बसेको छैन
  • विधानतः नेपाली कांग्रेसको केन्द्रीय समितिको बैठक २ महिनामा एकपटक बस्नुपर्दछ ।
  • जसमा शोक प्रस्ताव पारित गर्नका लागि बैठक बसेको थियो ।
  • पछिल्लो पटक २७ असारदेखि २ साउनसम्म केन्द्रीयसमिति बैठक बसेको थियो ।
  • छलफल गर्न केन्द्रीय सदस्यहरुले बैठकको माग गर्दै आएका छन् ।

काठमाडौं ।।

विधानतः नेपाली कांग्रेसको केन्द्रीय समितिको बैठक २ महिनामा एकपटक बस्नुपर्दछ । विधान अनुसार केन्द्रीय समिति बैठक नियमित बस्दै आएको भए महाधिवेशन पछि दशपटक बैठक बस्नुपर्ने बेला भइसक्यो ।

कांग्रेसमा महाधिवेशन र महासमिति बैठक पछिको सर्वोच्च निकाय केन्द्रीय समितिमा आफ्नो धारणा राख्न नपाउँदा केन्द्रीय सदस्यहरुको औचित्य र भूमिकालाई नेतृत्वले बेवास्ता गरेको भन्दै नेताहरुले चिन्ता व्यक्त गर्दै आएका छन् ।
महाधिवेशन सकिएपछि भएका दुई बैठकमा मात्रै केन्द्रीय सदस्यले धारणा राख्न पाएका छन् । अरु तीन बैठक औपचारिकता लागि बोलाइएको थियो । जसमा शोक प्रस्ताव पारित गर्नका लागि बैठक बसेको थियो ।

पछिल्लो पटक २७ असारदेखि २ साउनसम्म केन्द्रीयसमिति बैठक बसेको थियो । ५ भदौमा प्रदीप गिरीको निधनप्रति शोक प्रस्ताव पारित गर्न बसेको थियो । त्यसयता केन्द्रीय कार्यसमितिको बैठक बसेको छैन । केन्द्रीय सदस्यहरुले बैठक बस्न माग गर्दै आए पनि सभापति शेरबहादुर देउवाले टार्दै आएका छन् ।

केन्द्रीय सदस्य मधु आचार्यले बैठकको माग गर्दै कार्यालयमा पत्र नै दर्ता गरेका छन् । ‘पार्टीका लागि विगतको ११ महिना निकै आरोह अवरोहपूर्ण रह्यो । नीतिगत एवं राजनैतिक अध्ययन अनुसन्धानका दृष्टीले पेचिलो मात्र होइन, सैद्धान्तिक वैचारिक स्खलन एवं छवि विघटनका दृष्टिले समेत निकै पिडादायी रह्यो,’ आचार्यले बैठक माग गर्दै ११ असारमा दर्ता गरेको पत्रमा लेखिएको छ ।

गत माघमा देउवा पक्षका केन्द्रीय सदस्यहरुकै छलफलमा जुटेर बैठकको माग गरेका थिए । केन्द्रीय सदस्यद्वय नैनसिंह महर र मीन विश्वकर्माको अगुवाइमा उक्त बैठक बसेको थियो ।

विश्वकर्मा हाल पार्टीको शक्तिशाली प्रचार विभागको प्रमुख छन् । ‘केन्द्रीय समितिको बैठक नहुँदा पार्टीले गति लिन सकेको छैन । पदाधिकारीबाट पनि केन्द्रीय समिति बैठक बोलाउन आवाज नउठाएको जस्तो लाग्छ,’ केन्द्रीय सदस्य महर भन्छन्, ‘पार्टी रुपान्तरणको विषय होस् वा नीति महाधिवेशन बोलाउने कुरा होस् । छलफल गर्ने सर्वोच्च निकाय केन्द्रीय समिति हो ।’

पछिल्लो घटनाक्रम विश्लेषण, नीति महाधिवेशन, महासमिति बैठक, विभाग गठनका लगायतमा छलफल गर्न केन्द्रीय सदस्यहरुले बैठकको माग गर्दै आएका छन् ।

 

  • साझा परिवेश
  • आइतवार, असार १७, २०८० १४:४१

प्रतिक्रिया

तपाइको प्रतिक्रिया दिनुहोस्