नेपालीले ११ महिनामै ११ खर्ब १२ अर्ब रेमिट्यास नेपाल पठाए
साझा परिवेश
सोमवार, असार २५, २०८० १२:४८
विदेशमा रहेका नेपालीले ११ खर्ब १२ अर्ब रुपैयाँ रेमिट्यास नेपाल पठाए
श्रम स्वीकृति लिनेको संख्या ४ लाख ५९ हजार ४१५ जना
अघिल्लो आवको तुलनामा ४६.६ प्रतिशत बढी
काठमाडौं ।।
विदेशमा रहेका नेपालीले चालु आर्थिक वर्ष (आव) २०७९-८० को ११ महिनाको अवधिमा ११ खर्ब १२ अर्ब रुपैयाँ रेमिट्यास नेपाल पठाएका छन् । नेपाल राष्ट्र बैंकका अनुसार जेठ मसान्तसम्म आएको यो रेमिट्यान्स गत आर्थिक वर्षको यसै अवधिको तुलनामा २२.७ प्रतिशत बढी हो । अमेरिकी डलरमा समेत रेमिट्यान्स वृद्धि १३ प्रतिशत रहेको छ ।
अहिले डलरमा ८ अर्ब ५१ करोड रेमिट्यान्स नेपाल भित्रिएको छ ।जेठसम्म वैदेशिक रोजगारीका लागि अन्तिम श्रम स्वीकृति लिनेको संख्या ४ लाख ५९ हजार ४१५ जना पुगेको छ । यो अघिल्लो आवको तुलनामा ४६.६ प्रतिशत बढी हो । वैदेशिक रोजगारीका लागि पुनः श्रम स्वीकृति लिने नेपालीको संख्या ०.५ प्रतिशतले बढेर २ लाख ६० हजार २६२ जना पुगेको छ ।
