बिर्तामोड–७ स्थित बिर्तामोड नगर अस्पताल जाने बाटोमा पनि स्थानीयले धान रोपेर बिरोध
बर्खा लागेसँगै स्थानीयलाई आवत–जावतमा समस्या भएकोले बिरोध स्वरुप एसो गरेका स्थानीय बताउछन
बिर्तामोड ।
झापाको बिर्तामोड नगरपालिका वडा नम्बर ४ स्थित हर्कलाल मार्गको भक्तबारी चोकमा स्थानीयले धान रोपेका छन् ।स्थानीयले शनिवार(आज) बिहान बिरोध स्वरुप धान रोपेका हुन् ।
स्थानीयका अनुसार जनप्रतिनिधिलाई पटक–पटक पुरुवाका लागि जानकारी गराउँदा समेत वास्ता नगरेको र बर्षात शुरु भएसँगै बाटोबाट आवत–जावत गर्न समस्या भएकाले बिरोध स्वरुप बाटैमा धान रोपिएको हो ।
सो बाटोमा पुरुवाका लागि पटक–पटक बिर्तामोड–४ का वडाध्यक्ष राहुलकुमार शर्मालाई मौखिक तथा लिखित जानकारी साथै नगर प्रमुख पबित्रा महतरा प्रसाई र उप–प्रमुख नगेन्द्रप्रसाद संग्रौलालाई मौखिक जानकारी गराउँदा समेत उनीहरुले चासो नदिएको स्थानीय गोपी अधिकारी बताउँछन् ।
उक्त बाटोमा बर्खा लागेसँगै स्थानीयलाई आवत–जावतमा समस्या भएकोले बिरोध स्वरुप बाटोमा धान रोपेको स्थानीयको भनाई छ । केही दिन अघि बिर्तामोड–७ स्थित बिर्तामोड नगर अस्पताल जाने बाटोमा पनि स्थानीयले धान रोपेर बिरोध जनाएका थिए ।
