धूपबत्ती बालेर गठबन्धन ढलोस् भनेनी ढल्दैन : मन्त्री ज्वाला

•  बलियो भएकाले कसैले चाहँदैमा सत्ता गठबन्धन नढल्ने
• धूपबत्ती बाल्दैमा ढल्दैन 
• ढलेर फाइदा पाइहाल्छौं भनेर आशावादी भएकाहरूको आशा पूरा हुँदैन 

काठमाडौं ।।

भौतिक पूर्वाधार तथा यातायातमन्त्री प्रकाश ज्वालाले अहिलेको सत्ता गठबन्धन बलियो भएकाले कसैले चाहँदैमा नढल्ने बताएका छन् । आइतबार जनकपुरधाम पुगेका मन्त्री ज्वालाले सञ्चारकर्मीसँग यस्तो बताएका हुन् ।

उनले नेकपा (एमाले) प्रति लक्षित गर्दै गठबन्धन ढलोस् भनेर कसैले धूपबत्ती बाल्दैमा नढल्ने टिप्पणी गरे । प्रतिगमनका विरुद्धमा एकजुट भएर सडकदेखि अदालतसम्म लडेका शक्तिहरू एक ठाउँमा रहेको उल्लेख गर्दै उनले गठबन्धन ढाल्ने सपना नदेख्न आग्रह गरे ।

“अहिलेको गठबन्धन बलियो धरातलमा उभिएको छ । यो कसैले गठबन्धन ढलोस् भनेर चाहँदैमा, धूपबत्ती गर्दैमा गठबन्धन ढल्दैन । किनभने, यसको ग्राउन्ड छ ।

प्रतिगमनका विरुद्धमा एकजुट भएर सडकदेखि अदालतसम्म लडेका शक्तिहरू छन्,” उनले भने, “चुनावका बेलामा सँगै अघि बढेका शक्तिहरू एक ठाउँमा छन् । जटिल मोडहरूमा एकताबद्ध भएका शक्तिहरू एक ठाउँमा छन् । यो ढलेर फाइदा पाइहाल्छौं भनेर आशावादी भएकाहरूको आशा पूरा हुँदैन ।”

मन्त्री ज्वालाले समाजवादी मोर्चा सरकार बलियो बनाउने र टिकाइरहने मात्र नभइ गठबन्धनको दीर्घकालीन फाइदाका लागि बनेको जिकिर गरे ।

• संसद विघटन