फोहोरको अवरोध हटाउन सहरी विकास मन्त्रालयले बैठक राख्दै
साझा परिवेश
बुधबार, साउन ३, २०८० १0:१६
काठमाडौं उपत्यकाको फोहोर विसर्जनमा आज पनि स्थानीयलले गरे अवरोध
स्थानीयवासले फोहोर बोकेका गाडीलाई अगाडि बढ्न दिएनन्
सहरी विकास मन्त्रालयले आज सर्वदलीय बैठक राख्ने
११ बजे बैठक बस्दै
काठमाडौं ।।
काठमाडौं उपत्यकाको फोहोर विसर्जनमा आज पनि स्थानीयलले अवरोध गरेका छन् । नुवाकोट र धादिङको सीमामा पर्ने बन्चरेडाँडास्थित ल्यान्डफिल साइटमा फोहोर विसर्जनमा स्थानीयले अवरोध गर्दै आएका छन् ।
स्थानीयवासले फोहोर बोकेका गाडीलाई अगाडि बढ्न दिएका छैनन् । ककनी गाउँपालिकाका अध्यक्ष सुमन तामाङले आज पनि अवरोध कायमै रहेको बताए । उनले सहरी विकास मन्त्रालयले समस्याको निकासका लागि सर्वदीय छलफल बोलाएको जानकारी दिए ।
“सहरी विकास मन्त्रालयले आज सर्वदलीय छलफलका लागि बोलाएको छ । उक्त छलफलमा सहमति जुटेको खण्डमा अवरोध हट्नेछ,” अध्यक्ष तामाङले भने । उनका अनुसार बिहान ११ बजे बैठक बस्दै छ ।
सोमबारदेखि नुवाकोटको ककनी गाउँपालिका-२ र धादिङको धुनीबेँसी नगरपालिका-१ का स्थानीयवासीले फोहोर बोकेका गाडीलाई बाटो बन्द गरेका छन् । संघ सरकार र काठमाडौं महानगरपालिकासँग यसअघि भएका सहमति कार्यान्वयन नभएको भन्दै स्थानीयले अवरोध गरेका हुन् ।
