गम्भीर विषयलाई विषयान्तर गर्न नहुने कुरामा जोड दिएका हौँ : रवि
साझा परिवेश
बुधबार, साउन ३, २०८० ११:२३
गम्भीर विषयलाई नजरअन्दाज गरेर विषयान्तर गर्न खोजियो
संसद् घेराउ गरेको विषयलाई लिएर अनावश्यक गाली नगर्न रविको आग्रह
हामीहरु संसदीय अभ्यासमा नयाँ रहेकोले केही कमजोरी पनि हुनसक्छन् : रवि
काठमाडौं ।।
राष्ट्रिय स्वतन्त्र पार्टी (रास्वपा) का सभापति रवि लामिछानेले गम्भीर विषयलाई नजरअन्दाज गरेर विषयान्तर गर्न खोजेको आरोप लगाएका छन् । रास्वपाले संसद् घेराउ गरेको विषयलाई लिएर उनले अनावश्यक गाली नगर्न आग्रह गरेका छन् ।
आफूहरू संसदीय अभ्यासमा नयाँ रहेको भन्दै केही कमजोरी हुनसक्ने तर त्यसैलाई मुख्य विषय बनाएर गम्भीर विषयलाई विषयान्तर गर्न नहुनेमा उनको जोड छ ।
“केही नेपाल ऐनलाई संशोधन गर्न बनेको विधेयक, ८० को दफा ६४ ले के भन्दै छ, पठ्नुस् त । यस्तो गम्भीर विषयलाई विषयान्तर गर्न खोजेर अरु नै विवादतिर जवरजस्ती मोड्न खोजेको कयौंले बुझ्नै भ्याउनु भएको छैन,” ।
“कयौंले जानाजान बुझ पचाउनु भएको छ । हामीले के बोल्यौं त्यो अझै सुरक्षित छ । त्यसमा बहस अझै गरौंला । तर, यो संशोधनलाई ध्यान दिएर हेर्नुस् त ।”
