पत्रकार मनोहर पोखरेलमाथिको घटना छानबिन होस् : मानव अधिकार आयोग

• मनोहर पोखरेलमाथि भएको घटनाको छानबिन गर्न अधिकार आयोगको माग
• उक्त घटनामा संलग्न दोषीलाई कानुनी कारवाही गरियोस्
• राष्ट्रिय मानव अधिकार आयोगको गम्भीर ध्यानाकर्षण 

काठमाडौं ।।

राष्ट्रिय मानव अधिकार आयोगले मानव अधिकारकर्मी तथा पत्रकार मनोहर पोखरेलमाथि भएको घटनाको छानबिन गरी दोषीलाई कानुनी दायरामा ल्याउन माग गरेको छ ।

मंगलबार मानव अधिकार आयोगले विज्ञप्ति जारी गर्दै निष्पक्ष र प्रभावकारी अनुसन्धान मार्फत उक्त घटनामा संलग्न दोषीलाई कानुनी कारवाही गर्न र अधिकारकर्मीको सुरक्षामा ध्यान दिन माग गरेको हो ।

‘मानव अधिकारकर्मी तथा पत्रकार मनोहर पोखरेललाई जिल्ला प्रहरी कार्यालय परिसरमा सेवाग्राहीको काम विशेषले गएको समयमा उक्त कार्यालयमा कार्यरत प्रहरीद्वारा कुटपिट तथा दुर्व्यवहार भएको घटना एवम् उक्त घटनालाई लिएर स्थानीय पत्रकारहरु र अन्य सामाजिक संघ संस्थाहरुबाट निरन्तर भइरहेको विरोधका सम्बन्धमा राष्ट्रिय मानव अधिकार आयोगको गम्भीर ध्यानाकर्षण भएको छ,

‘ आयोगका प्रवक्ता टीकाराम पोख्रेलद्वारा जारी विज्ञप्तिमा भनिएको छ,’ ‘अतः निष्पक्ष र प्रभावकारी अनुसन्धान मार्फत उक्त घटनामा संलग्न दोषीलाई कानुनी कारवाही गर्न र अधिकारकर्मीको सुरक्षामा ध्यान दिन आयोग नेपाल सरकारलाई आग्रह गर्दछ ।’

• संसद विघटन