कोशी प्रदेशको रिटको बहस मंगलबार सक्ने सर्वोच्चले तयारी
मंगलबारसम्म बहस सुन्ने र त्यसपछि आदेश गर्ने गरी समय विभाजन
प्रदेश सभाको अध्यक्षता गरेकाहरुले पनि भोलि नै आफ्नो कुरा राख्न पाउने
काठमाडौं ।।
कोशी प्रदेश सरकारले पाएको विश्वासको मतको वैधतासम्बन्धी परेको रिटको बहस मंगलबार सक्ने सर्वोच्चले तयारी गरेको छ । आजदेखि पूर्ण इजलासमा सुनुवाइ सुरु भएकोमा न्यायाधीशहरुले मंगलबारसम्म बहस सुन्ने र त्यसपछि आदेश गर्ने गरी समय विभाजन गरेका हुन् ।
इजलासको नेतृत्व गरेकी न्यायाधीश सपना प्रधान मल्लले भनिन्, ‘आज तपाईंहरु (निवेदक) को कुरा सुन्छौं, भोलि सरकारी वकिल र विपक्षीहरुका कानून व्यवसायीहरुको पालो हुनेछ ।’
उनले प्रदेश सभाको अध्यक्षता गरेकाहरुले पनि भोलि नै आफ्नो कुरा राख्न पाउने बताइन् । सोमबार दिउँसो १२ बजेदेखि सुरु भएको बहसमा निवेदकहरुले ४ घण्टा आफ्ना कुरा राख्न पाउनेछन् । कोशीको मुद्दा न्यायाधीश मल्ल सहित डा। कुमार चुडाल र नहकुल सुवेदीको इजलासमा परेको छ ।
