छोराहरु आएपछि नेम्वाङको पार्थिव शरीर बालुवाटारमा लगियो
साझा परिवेश
बुधबार, भदौ २७, २०८० १४:00
काठमाडौं : संविधानसभा अध्यक्ष एवं नेकपा एमालेका उपाध्यक्ष सुवासचन्द्र नेम्वाङको पार्थिव शरीरलाई बालुवाटार लगिएको छ। श्रद्धाञ्जली अर्पणका लागि नेम्वाङको पार्थिव शरीर दिउँसो १ बजेसम्म च्यासलस्थित एमाले पार्टी कार्यालयमा राखिएको थियो। null
नेम्वाङका दुई छोरा विदेशबाट आएपछि च्यासलबाट पारिवारिक तथा धार्मिक संस्कारका लागि उनको पार्थिव शरीर बालुवाटारस्थित निवासमा लगिएको हो। त्यहाँ स्व. नेम्वाङप्रति उनका आफन्तजन, इष्टमित्र र परिवारका सदस्यहरूबाट अन्तिम श्रद्धाञ्जली अर्पण गर्ने कार्यक्रम रहेको छ।
नेम्वाङको भोलि बिहान ११ बजे राजकीय सम्मानका साथ पशुपति आर्यघाटमा अन्त्येष्टि गरिने छ। नेता नेम्वाङको मंगलबार बिहान हृदयघातका कारण असामयिक निधन भएको थियो।
