April 3, 2025 | बिहिबार, चैत्र २१, २०८१
सुचनाहरु
सगरमाथा आधार शिविरमा काम गर्ने श्रमिकको गयो ज्यान   प्रधानमन्त्री ओलीले र भारतीय समकक्षी मोदीलाई थाइल्याण्डमा भेट्दै खानेतेलको मूल्य प्रतिलिटर १५ देखि ४० रुपैयाँसम्म बढ्यो   २५ करोडका मालिकको पहिचान   जडिबुटिमा राजावादी प्रदर्शनकारीको आगजनीले २८ करोडभन्दा बढीको क्षति शिक्षकहरु फेरी उत्रिए राजधानी केन्द्रित आन्दोलनमा तिनकुने प्रदर्शनमा ज्यान गुमाउने सुरेश र सबिनको परीवारलाई  सरकारले १०–१० लाख दिने शिक्षक महासङ्घले आजदेखि काठमाडौं केन्द्रित सडक आन्दोलन गर्दै असार ७ गतेभित्र एसइईको परीक्षाफल आइसक्ने गुजरातको पटाका गोदाममा ठूलो विस्फोट हुदा १७ जनाको गयो ज्यान तीनकुने घटनामा संलग्न २४ जना पनि पक्राउ राजावादिको प्रदर्शनमा ज्यान गुमाएका सबिनको गरियो पोस्टमार्टम  भाटभटेनी लुट्न आउने प्रदर्शनकारीलाई प्रतिकार गर्ने सुरक्षागार्ड तथा अन्य कर्मचारीलाई सम्मान गरीदै जारी अधिवेशनको अन्तिम प्रतिनिधि सभा बैठक आज बस्दै, यस्तो छ कार्यसूची किच्चकबधमा उत्खनन गर्दा भेटियो ‘दरबारको जग’ घट्यो पेट्रोलियम पदार्थको मूल्य, कति पुग्यो? म्यान्मार गएको विनाशकारी भूकम्पमा २ हजार भन्दा बढीले गुमाइसके ज्यान त्रिवि केन्द्रीय क्याम्पसमा नेविसंघका जोशीले ८ मतले मारे बाजी साढे पाँच महिनापछी घण्टी बजाउँदै सभापतिको जिम्मेवारीमा फर्किए रबि लामीछाने प्रदर्शनमा जिउँदै जलाइएका संचारकर्मी सुरेशको परीवारले भेटे प्रधानमन्त्रिलाई

प्रिमियरमा ‘नाङ्गो गाउँ’ले पायो तारिफ नै तारिफ

  • साझा परिवेश
  • बिहिबार, भदौ २८, २०८० १५:३६
प्रिमियरमा ‘नाङ्गो गाउँ’ले पायो तारिफ नै तारिफ

बुधबार बेलुकी सितापाइलामा रहेको सिके सिनेमाज्मा आयोजित फिल्म ‘नाङ्गो गाउँ’को प्रिमियरमा पुगेका फिल्मीकर्मी र मिडियाकर्मीले यसको बिषयवस्तुको तारिफ गरेका छन् ।

दीपेन्द्र लामाको लेखन तथा निर्देशनमा तयार भएको फिल्मको प्रिमियरमा निर्देशक नरेश पौडेल, दीपाश्री निरौला, कलाकार जितु नेपाल, नायक कुन्साङ बोमजम लगायत पुगेका थिए । प्रिमियरमा पुगेका अधिकांशले यसले देखाउन खोजेको बिषयवस्तुलाई आम दर्शकले हेर्नुपर्ने बताए ।

प्रिमियरमा पुगेका गायक राजेश पायल राइले सामाजिक संजालमार्फत यो फिल्मको तारिफ गरेका छन् । उनले, एउटा उत्कृष्ट फिल्म आफूले हेर्न पाएको र आम मानिसले यो फिल्म हेर्नुपर्ने तर्क गरे ।

यस्तै, निर्देशक दीपाश्री निरौला, कलाकार जितु नेपाल, निर्देशक नरेश पौडेल लगायतले पनि फिल्मको बिषयवस्तु शक्तिशाली रहेको बताए । यो फिल्मले निर्वाचनमा भोट दिनु अगाडि सय पटक सोच्न जनतालाई सचेत गराएको उनीहरुको भनाई थियो । यस्तै, नायक कुन्साङले फिल्मलाई शत प्रतिशत रेटिङ दिने भन्दै एउटा राम्रो कथामा फिल्म हेरेको बताए ।

प्रिमियरमा फिल्मका मुख्य कलाकारहरु दयाहाङ राई, मिरुना मगर र साम्राज्ञी राज्यलक्ष्मी शाह पनि पुगेका थिए । उनीहरुले प्रिमियरमा पाएको प्रतिक्रियाले उत्साहित भएको तर्क गरे ।

हिमाल कडरिया प्रस्तुतकर्ता रहेको यो फिल्ममा जय श्रेष्ठको लगानी छ भने फिल्मका कार्यकारी निर्माता रामहरि श्रेष्ठ हुन् ।

यो फिल्ममा आलोक शुक्लाको डीओपी, बनिष शाहको सम्पादन, रामजी लामिछानेको कोरियोग्राफी, सुशान्त गौतम र दीपक शर्माको संगीत छ । प्रिमियरमा पाएको प्रतिक्रियाले आफूहरु निकै उत्साहित भएको निर्देशक दीपेन्द्र लामाले बताए ।

यसअघि पनि सामाजिक कथामा नै फिल्म निर्देशन गर्दै आएका लामाले यसपटक जनतालाई सचेत गराउने काम फिल्ममार्फत गरेका छन् ।

  • साझा परिवेश
  • बिहिबार, भदौ २८, २०८० १५:३६

प्रतिक्रिया

तपाइको प्रतिक्रिया दिनुहोस्

नेपाल अपडेट