July 20, 2024 | शनिबार, साउन ५, २०८१
सुचनाहरु
गृहमन्त्री लेखक र अमेरिकी राजदूतबीच भेटवार्ता एसिया कप महिला क्रिकेटमा नेपाल र युएई भिड्दै तोलामा २ हजार रुपैयाँ घट्यो सुनको मूल्य प्रधानमन्त्रीको प्रमुख राजनीतिक सल्लाहकारमा विष्णु रिमाल संसद भवन निर्माणको ढिलाइबारे सभामुखको असन्तुष्टि कनकाई सर्पदंश उपचार केन्द्रमा १७७ जनाले लिए सेवा झापामा २ जना फरार प्रतिवादी पक्राउ राष्ट्रिय सभा बैठक बस्दै, यस्तो छ कार्यसूची बङ्गलादेशमा आरक्षण विरुद्धको प्रदर्शन हिंसात्मक बन्दै, १९ जनाको मृत्यु डा.माबोको `डोलीभर्ना´ शुक्रबार लोकार्पण हुँदै गायक यशकुमारको हिरो सार्वजनिक ; दिपेन्द्र ,रोजेन र गरिमाको अभिनय मन्त्रीपरिषद बैठक बस्दै देशको अवस्था राम्रो र प्रशंसा गर्न लायक छैन : प्रधानमन्त्री ओली ‘आइसिसी डिजिटल फ्यान इन्गेजमेन्ट अवार्ड’ नेपालले पाएकोमा प्रधानमन्त्रीद्वारा बधाई ज्ञापन १५ गतेसम्म प्रतिनिधिसभाका ६ वटा बैठक सञ्चालन गर्ने निर्णय प्रधानमन्त्री ओलीले आइतबार विश्वासको मत लिने डेंगुको आशङ्का लागेमा निःशुल्क ‘हटलाइन टेलिफोन ११८०’ मा फोन गर्न काठमाडौँ महानगरको आग्रह चीनको डिपार्टमेन्टल स्टोरमा आगलागी, १६ जनाको मृत्यु एक वर्षमा रोजगारीका लागि सात लाखभन्दा बढी नेपाली बिदेश उडे एक वर्षमा २०१ भ्रष्टाचारका मुद्दा दर्ता, ५२४ कर्मचारी तानिए

कृष्णहरि पुष्करलाई फेरि अर्थसचिवको जिम्मेवारी

  • साझा परिवेश
  • सोमवार, अशोज १, २०८० १२:४८
कृष्णहरि पुष्करलाई फेरि अर्थसचिवको जिम्मेवारी

काठमाडौं– सरकारले प्रधानमन्त्री तथा मन्त्रिपरिषद् कार्यालयका सचिव कृष्णहरि पुष्करलाई पुनः दोस्रोपल्ट अर्थ मन्त्रालयमा फिर्ता ल्याएको छ। शुक्रबार बसेको बसेको मन्त्रिपरिषद् बैठकले अर्थसचिव अर्जुनप्रसाद पोखरेललाई प्रधानमन्त्री तथा मन्त्रिपरिषद् कार्यालयमा सरुवा गर्दै कृष्णहरिलाई पुनः अर्थ मन्त्रालयको अर्थसचिवको जिम्मेवारी दिने निर्णय गरेको हो।

मन्त्रिपरिषद् कार्यालय सरुवा भएका पोखरेल २० वैशाख २०८०मा अर्थसचिव भएका थिए। पोखरेललाई चार महिनामै सरुवा गरिएको हो। दोस्रोपल्ट अर्थसचिवको जिम्मा पाएका कृष्णहरि पुष्पक यसअघि २६ साउन २०७९ मा पनि अर्थसचिवको रुपमा अर्थ मन्त्रालय पुगेका थिए।

पुष्करलाई २१ पुस २०७९ मा अर्थ मन्त्रालयको सचिवबाट सरुवा गरेर प्रधानमन्त्री तथा मन्त्रिपरिषद् कार्यालयमा सरुवा गरिएको थियो। त्यसलगत्तै उनलाई सामान्य प्रशासन मन्त्रालय पठाइएको थियो।

गत ७ भदौमा विनोदप्रकाश सिंहलाई संघीय मामिला तथा सामान्य प्रशासन मन्त्रालयको सचिवको जिम्मेवारी दिइएपछि पुष्कर प्रधानमन्त्री तथा मन्त्रिपरिषद् कार्यालयमा सरुवा भएका थिए।

गत वर्षको बजेट निर्माणका बेला तत्कालीन अर्थमन्त्री जनार्दन शर्माले बाहिरको मान्छे मन्त्रालय लगेर करका दर हेरफेर गराएको आरोप लागेका बेला पुष्कर राजस्व सचिव थिए। त्यतिबेला अर्थसचिव रहेका मधु मरासिनीले त्यहाँबाट सरुवा मागेर अन्त गएका थिए। तर, कृष्णहरि पुष्करको भने सरुवा गरिएको थिएन।

करका दर हेरफेर आरोपमा संसदीय छानबिनपछि सफाइ पाएलगत्तै अर्थमन्त्री जनार्दनले कृष्णहरिलाई अर्थसचिव बनाएका थिए। १९ साउन २०७९ को मन्त्रिपरिषद् बैठकले राजस्व सचिव रहेका कृष्णहरिलाई अर्थसचिवको जिम्मेवारी दिएको थियो।

  • साझा परिवेश
  • सोमवार, अशोज १, २०८० १२:४८

प्रतिक्रिया

तपाइको प्रतिक्रिया दिनुहोस्