अब मन्त्री किराती र मेयर बालेन बेथिति अन्त्यका लागि लड्ने

• सुदन किराती र मेयर बालेन्द्र शाहबीच पशुपति क्षेत्र विकास कोषमा सहकार्य हुने 
• मन्त्री किराती र महानगरका मेयरबीच बेथिति अन्त्यका लागि सहकार्य तयारी
• पार्किङ र धर्मशाला दुवैको सम्झौता नतोड्न मन्त्री किरातीलाई दबाब

काठमाडौँ ।।

संस्कृति पर्यटन तथा नागरिक उड्डयन मन्त्री सुदन किराती र काठमाडौं महानगरपालिकाका मेयर बालेन्द्र शाहबीच पशुपति क्षेत्र विकास कोषमा सहकार्य हुने भएको छ।  पशुपति क्षेत्र विकास कोषका अध्यक्ष रहेका मन्त्री किराती र महानगरका मेयरबीच बेथिति अन्त्यका लागि सहकार्य तयारी भएको हो।

हाललाई क्षेत्र विकास कोषको नाममा रहेको बनकालीस्थित पार्किङ र मारवाडी सेवा समाजले उपभोग गर्दै आएको गौशालास्थित भवनलाई जीटुजी मोडलमा सञ्चालन तयारी भएको छ। वनकालीस्थित पार्किङ २०७८ साउन २० गते तत्व इन्भेष्टमेन्टले तीन लाख ४४ हजार ८ सय ७४ मा ठेक्का लिएको थियो।  उक्त कम्पनीले ३४ लाख ७४ हजार एक सय १९ रुपैयाँ वक्यौता नतिरेपछि ठेक्का रद्द गरिएको थियो।

त्यस्तै गौशलास्थित ९ रोपनी जग्गामा सुविधा सम्पन्न भवन मारवाडी सेवा समितिले वार्षिक ५१ हजारमा उपभोग गर्दै आइरहेको थियो। धर्मशालालाई व्यवसायिक प्रयोजनमा लगाएर लाखौँ आम्दानी गर्दै आएको समितिसँगको सम्झौता पनि पशुपति क्षेत्र विकास कोषले खारेज गरिसकेको छ। पार्किङ र धर्मशाला दुवैको सम्झौता नतोड्न मन्त्री किरातीलाई दबाब आएको थियो।

मन्त्री किरातीनिकट स्रोतका अनुसार गौशलास्थित धर्मशालालाई पशुपतिको गुरु योजनाको आधारमा परम्परासहितको प्रभावकारी सेवा प्रवाह गर्न महानगरसँग सहकार्य गरिने भएको छ। त्यस्तै वनकालीको पार्किङलाई आधुनिक ढंगले सुविधा सम्पन्न बनाएर जीटुजी मोडलमा सञ्चालन गरिने छ।

• संसद विघटन