ग्रामथान । मोरङको ग्रामथान गाउँ पालिकामा संविधान दिवस २०८० को अवसरमा विविध कार्यक्रम सम्पन्न भएका छन् । संविधान दिवसको अवसरमा ग्रामथान गाउँपालिकामा कार्यरत दुई जना कर्मचारीलाई सम्मान गरिएको थियो । यसैगरी संविधान दिवसको अवसरमा दिप प्रज्वलन गरि संविधान दिवसको महत्वलाई स्थानीय नागरिकबीच थप प्रष्ट गरिएको थियो । संविधान दिवसका अवसरमा आयोजित कार्यक्रममा कोशी प्रदेश सभाका सांसद जयप्रकाश चौधरीले लामो संघर्षबाट प्राप्त भएको उपलब्धीलाई संविधानमार्फत संस्थागत गरिएकोले यसको पालना गर्ने र जनताको अधिकारलाई कार्यान्वयन गर्ने तर्फ सबैले चासो दिनुपर्ने बताए ।
कार्यक्रममा प्रदेशसभा सदस्य ललिता चौधरी, जिल्ला समन्वय समिति मोरङ सदस्य उर्वशी मोदी, ग्रामथान गाउँपालिका उपाध्यक्ष गुनावतीदेवी धामी थारू, प्रमुख प्रशासकिय अधिकृत हरी भट्टराई, ग्रामथान शिक्षा शाखा प्रमुख भीम न्यौपाने लगायतको उपस्थिति थियो ।
कार्यक्रममा विभिन्न राजनीतिक दलका नेता तथा स्थानीय समाजसेवीहरुको पनि उपथिति थियो ।
कार्यक्रममा संविधानलाई समयानुकुल संशोधन गरी देखिएका त्रुटीहरु सच्याउने र छुटेका नागरिक अधिकारहरुलाई समावेश गरी समृद्ध बनाउनु पर्ने बताए ।
