ईःको आन्दोलनबारे बालेनसँग भेटेर कुरा गर्नेछु : गगन थापा
साझा परिवेश
आइतवार, अशोज ७, २०८० १४:0८
काठमाडौं महानगर र अभियन्ता ईः बीच संवादको आग्रह
६ दिनदेखि निरन्तर ईः लगायतका अभियन्ता आन्दोलनरत
‘सँगै बसेर कुरा गरेपछि, एक अर्काको मत, दृष्टिकोण सुनेपछि, बुझेपछि एउटा उपाय निस्कन्छ
काठमाडौं ।।
नेपाली कांग्रेसका महामन्त्री गगन थापाले काठमाडौं महानगर र अभियन्ता ईः बीच संवादको आग्रह गरेका छन् । फुटपथ व्यवसायीको विस्थापनको मुद्दालाई लिएर राष्ट्रिय सभागृह बाहिर ६ दिनदेखि निरन्तर ईः लगायतका अभियन्ता आन्दोलनरत छन् ।‘ईः लगायत साथीहरूले उठाएको मूलतः फुटपाथ व्यवसायीको विस्थापन होइन, उचित व्यवस्थापन हुनुपर्छ भन्ने मागका विषयमा सहरको अन्य आवागमनलाई असर नपर्ने गरी व्यवस्थापन गर्न सकिने ठाउँहरू छन,’ थापाले सामाजिक सञ्जालमा लेखेका छन् ।
अभियन्ता ईः लगायतको आन्दोलनको विषयमा काठमाडौं महानगरका प्रमुख बालेन शाहसँग भेटेर कुरा गर्न कोसिस आफूले गरिरहेको बताएका छन् । ‘लोकतन्त्रमा आन्दोलनरत सबैका आवाज सुन्नुपर्छ, शान्तिपूर्ण रूपमा उठाइएका विषयलाई त अझ महत्वका साथ सुन्नुपर्छ,’ थापा भन्छन्,‘सँगै बसेर कुरा गरेपछि, एक अर्काको मत, दृष्टिकोण सुनेपछि, बुझेपछि एउटा उपाय निस्कन्छ नै ।’
