१३ वर्षीय बालकले २८ वर्षीय अशक्त महिलालाई जबरजस्ती करणी गरेपछि…..
साझा परिवेश
सोमवार, अशोज ८, २०८० १२:0८
जबरजस्ती करणी गरेको आरोपमा १३ वर्षीय बालक पक्राउ
हिंडडुल गर्न नसक्ने २८ वर्षीय महिलालाई जबरजस्ती करणी
करणी गरी फरार भएका बालक प्रहरीको फन्दामा
धनगढी ।।
बझाङमा अशक्त महिलालाई जबरजस्ती करणी गरेको आरोपमा १३ वर्षीय बालकलाई पक्राउ परेका छन् । हिंडडुल गर्न नसक्ने २८ वर्षीय महिलालाई जबरजस्ती करणी गरेको आरोपमा एक बालकलाई पक्राउ गरिएको बझाङका प्रमुख प्रहरी नायब उपरीक्षक (डीएसपी) भरत शाहले जानकारी दिए ।
जबरजस्ती करणी गरी फरार भएका बालकलाई प्रहरी पोष्ट बगडगाँउबाट खटिएको टोलीले बालुवाटार भन्ने ठाउँबाट नियन्त्रणमा लिएको उनले बताए । डीएसपी शाहकाअनुसार पीडित महिलाकी हजुरआमाले करणी गरेको थाहा पाएपछि स्थानीयलाई घटनाबारे बताएकी थिइन् ।घटनाको थप अनुसन्धान भइरहेको प्रहरीले जनाएको छ ।
