भारत र अमेरिकी विदेशमन्त्री भेटवार्तामा क्यानडासँगको विवादित कुरा निस्किएन

• भारतीय विदेशमन्त्री  र उनका अमेरिकी समकक्षी एन्टोनी ब्लिन्केनबीच भेटवार्ता 
• संयुक्त राष्ट्र संघको ७८ औँ महासभाबारे छलफल भएको बताए
• अमेरिकामा आउन पाएकोमा खुसी ब्यक्त

काठमाडौं ।।

भारतीय विदेशमन्त्री एस जयशंकर र उनका अमेरिकी समकक्षी एन्टोनी ब्लिन्केनबीच बिहीबार भेटवार्ता भएको छ । खालिस्तानी अभियानकर्ता हरदीप सिंह निज्जरको हत्यालाई लिएर भारत र क्यानडाबीच तनाव चर्केका बेला उनीहरूबीच भेटवार्ता भएको हो । भेटपछि पत्रकारसँगको कुराकानीमा ब्लिन्केनले नयाँ दिल्लीमा हालै सम्पन्न जी-२० शिखर सम्मेलन र न्यूयोर्कमा भएको संयुक्त राष्ट्र संघको ७८ औँ महासभाबारे छलफल भएको बताएका छन् ।

“अमेरिकामा आउन पाएकोमा खुसी लाग्यो । यसअघि हाम्रा प्रधानमन्त्री नरेन्द्र मोदीले पनि गर्मीयाममा यहाँको भ्रमण गरेका थिए । हामी जी-२० शिखर सम्मेलनको क्रममा सहयोगका लागि अमेरिकालाई धन्यवाद दिन्छौँ । र म, नयाँ दिल्लीमा ब्लिन्केनलाई भेट्न उत्सुक छु,” भेटपछि भारतीय विदेशमन्त्री जयशंकरले भनेका छन् ।

निज्जरको हत्यालाई लिएर भारत र क्यानडाबीचको विवादबारे दुवै नेताले कुनै शब्द बोलेनन् । दुवै नेताले त्यहाँ ‘के क्यानडाले तपाईंको सम्बन्धलाई असर गरिरहेको छ ?’ भनेर सोधिएको प्रश्नमा कुनै जवाफ दिएनन् । रोचक कुरा के भने, बिहीबार क्यानडाका प्रधानमन्त्री जस्टिन ट्रुडोले जयशंकरसँगको भेटमा ब्लिन्केनले निज्जरको हत्याको कुरा उठाउनेमा आफू विश्वस्त रहेको बताएका थिए । “अमेरिकाले निश्चित रूपमा यो विषयमा भारत सरकारसँग छलफल गर्नेछ,” ट्रुडोले भनेका थिए ।

• संसद विघटन