दशैं नजिकिंदै गर्दा गोली नै बोकेर हिड्ने लुटेरा समूहको बिगबिगी
साझा परिवेश
बिहिबार, अशोज २५, २०८० १५:३६
लुटेरा समूहबाट एउटा पेस्तोल र ७ राउण्ड गोली बरामद
लुटेरा समूहलाई पछ्याउँदै जाँदा आक्रमण गर्न खोजेको भन्दै दुई राउण्ड गोली हानियो
सर्लाही घर भएका ३६ वर्षीय सन्त लामा
सिन्धुपाल्चोक घर भएका ३० वर्षीय जितेन लामा
साथबाट पेस्तोल र गोली बरामद
फरार रहेका अन्यको खोजीकार्यजारी
काठमाडौं ।।
प्रहरीले गोकर्णेश्वर नगरपालिका–३, जगडोलमा लुटेरा समूहबाट एउटा पेस्तोल र ७ राउण्ड गोली बरामद गरेको छ । उपत्यका अपराध अनुसन्धान कार्यालय, बानेश्वरले मोटरसाइकलमा आएका लुटेरा समूहलाई पछ्याउँदै जाँदा आक्रमण गर्न खोजेको भन्दै दुई राउण्ड गोली चलाएको थियो । त्यसक्रममा सिन्धुलीको कमलामाई नगरपालिका–२ घर भएका ३६ वर्षीय अमर घलान घाइते भएको उपत्यका प्रहरी कार्यालयका एसएसपी दिनेशराज मैनालीले बताए ।
घटनापछि सर्लाही घर भएका ३६ वर्षीय सन्त लामा र सिन्धुपाल्चोक घर भएका ३० वर्षीय जितेन लामा पनि पक्राउ परेका छन् । उनीहरुको साथबाट पेस्तोल र गोली बरामद भएको मैनालीले बताए । घटनामा फरार रहेका अन्यको खोजी भइरहेको प्रहरीले जनाएको छ ।
