‘पठाओ र इनड्राइभ’ अफलाइन चलाउने ८३ जना नियन्त्रणमा
साझा परिवेश
सोमवार, अशोज २९, २०८० १२:५७
‘अफलाइन’ यात्री बोक्ने पठाओ र इनड्राइभका ८३ राइडर नियन्त्रणमा
काठमाडौंको टोलीले विभिन्न ठाउँबाट नियन्त्रणमा लियो
उनीहरूमाथि छानबिन गरेर आज छोड्ने प्रहरीको तयारी
काठमाडौं ।।
‘अफलाइन’ यात्री बोक्ने पठाओ र इनड्राइभका ८३ राइडरलाई प्रहरीले नियन्त्रणमा लिएको छ । आइतबार साँझ जिल्ला प्रहरी परिसर काठमाडौंको टोलीले विभिन्न ठाउँबाट उनीहरूलाई नियन्त्रणमा लिएको हो । अफलाइन यात्रा गर्दा आपराधिक घट्ना हुने सक्ने भन्दै उनीहरूलाई नियन्त्रणमा लिइएको काठमाडौं प्रहरीका एसपी कुमुध ढुंगेलले जानकारी दिए । पक्राउ परेकाहरूलाई काठमाडौंका विभिन्न प्रहरी कार्यालयमा राखिएको उनले बताए । उनीहरूमाथि छानबिन गरेर आज छोड्ने प्रहरीको तयारी छ ।
