वायु प्रदूषणका कारण नयाँ दिल्लीमा खेलकुद गतिविधिमा प्रतिबन्ध
साझा परिवेश
आइतवार, कार्तिक १९, २०८० १२:५१
काठमाडौं । एयर क्वालिटी इन्डेक्स (एक्युआई) को अवस्था डरलाग्दो भएपछि दिल्लीको स्थानीय सरकारले सबै क्षेत्रीय खेलकुद प्रतियोगिता र कार्यक्रमहरूमा प्रतिबन्ध लगाएको छ ।
वायु प्रदुषणको अनुगमन गर्ने संस्थाको सिस्टम अफ एयर क्वालिटी एण्ड वेदर फोरकास्टिङ एण्ड रिसर्च (एसएएफएआर) का अनुसार शुक्रबार दिल्लीको समग्र एक्युआई ५०४ मा रेकर्ड गरिएको थियो । जुन गम्भीर प्लस श्रेणीमा परेको थियो । जुन हावाको उच्च सतर्कता स्तर हो ।
आफ्नो एड्भाइजरीमा सरकारले सबैलाई घरबाहिर शारीरिक गतिविधि नगर्न, मास्क लगाउन, काठ, मैनबत्ती वा धुप बाल्नबाट जोगिन र धुलो कम गर्न, कोठा सफा गर्न आग्रह गरेको छ ।
दिल्ली विश्वको सबैभन्दा प्रदूषित सहरको सूचीमा परेको छ । दिल्लीका अधिकारीहरूले बढ्दो प्रदूषणका लागि छिमेकी राज्यहरू पञ्जाब र हरियाणामा पराल जलाउनु रहेको बताएका छन् ।
![१७ मन्त्रीको मन्त्रालय तोकियो [सूचीसहित]](https://sajhaparibesh.com/wp-content/uploads/2024/01/pm-837x411.jpg)
