नेपालमा लगानी गर्नेलाई सरकारले स्वागत गर्छ : अर्थमन्त्री
साझा परिवेश
सोमवार, कार्तिक २०, २०८० १0:५१
नेपालमा व्यावसाायिक वातावरण बन्दै
नेपालको जलबिधुतमा अथाह सम्भावना
ठूलो मात्रामा विद्युत् आयोजना निर्माण गर्नुपर्ने
काठमाडौं ।।
अर्थमन्त्री डा. प्रकाशशरण महतले नेपालमा व्यावसाायिक वातावरण बन्दै गएको बताएका छन् । सोमबार नेपाल उद्योग वाणिज्य महासंघले आयोजना गरेको ‘सीएसीसीआई कन्फ्रेन्स’मा उनले यस्तो बताएका हुन् । उनले नेपालमा व्यावसायिक अवसर धेरै भएको भन्दै विदेशी लगानीकर्ताले प्रतिफल प्राप्त गर्न सक्ने उल्लेख गरे । नेपालको जलबिधुतमा अथाह सम्भावना रहेको पनि उनले बताए ।
नेपालको बिजुली किन्न भारत तयार रहेको भन्दै उनले १० वर्षमा ठूलो मात्रामा विद्युत् आयोजना निर्माण गर्नुपर्नेमा जोड दिए । पर्यटन क्षेत्रमा पनि सम्भावना रहेको भन्दै उनले लगानी बढाउन आग्रह गरे । “नेपालको आईटी सेक्टरमा ठूलो सम्भावना छ । विदेशी लगानीकर्ता पनि नेपालमा लगानी बढाउन इच्छुक छन्,” उनले भने, “नेपालमा लगानी गर्नेलाई सरकारले स्वागत गर्छ । वातावरण बनाउँछ ।”
