गणतन्त्रले देशको स्वाधीनता र स्वाभिमान उच्च राखेको छ : प्रधानमन्त्री

• प्रधानमन्त्रीद्वारा महान् पर्व शुभ दीपावलीको शुभकामना व्यक्त 
• राजनीतिक, आर्थिक एवं सांस्कृतिक आधार तयार पार्न महत्वपूर्ण भूमिका रहने
• पर्वहरूले देश र जनतालाई सांस्कृतिक र भावनात्मक रूपले एकतामा बाँध्ने 

काठमाडौं।।

प्रधानमन्त्री पुष्पकमल दाहाल ‘प्रचण्ड’ले देशको स्वाधीनता र स्वाभिमान उच्च राख्न ठूलो आधार प्रदान गरेको बताएका छन् । नेपालीहरूको महान् पर्व शुभ दीपावलीको शुभकामना व्यक्त गर्दै प्रधानमन्त्री प्रचण्डले नेपाली जनताको निकै ठूलो संघर्ष र बलिदानबाट प्राप्त संघीय लोकतान्त्रिक गणतन्त्रले आन्तरिक राष्ट्रियतालाई सुदृढ गर्दै देशको स्वाधीनता र स्वाभिमान उच्च राख्न निकै ठूलो आधार प्रदान गरेको बताएका हुन् । परिवर्तित राजनीतिक व्यवस्थाको रक्षा एवं सुदृढीकरण गर्दै समाजवादको वैचारिक, राजनीतिक, आर्थिक एवं सांस्कृतिक आधार तयार पार्न तिहार लगायतका पर्वहरूको महत्वपूर्ण भूमिका रहने प्रधानमन्त्रीको विश्वास छ ।

प्रचण्डले स्वदेश तथा विदेशमा रहेका सम्पूर्ण नेपालीमा तिहारको शुभकामना व्यक्त गरेका हुन् । नेपाल बहुजातीय, बहुभाषिक, बहुसांस्कृतिक विशेषता एवं अथाह प्राकृतिक सम्पदा र सभ्यताहरूको संगमस्थलका रूपमा रहिआएको उनले उल्लेख गरेका छन् । विविधतायुक्त संस्कार, संस्कृति र पर्वहरू राष्ट्रका साझा सम्पत्ति मात्र नभएर देश र जनतालाई सांस्कृतिक र भावनात्मक रूपले एकताको सुत्रमा बाँध्ने महत्वपूर्ण आधारहरूसमेत भएका प्रधानमन्त्रीको भनाइ छ ।

• संसद विघटन