July 15, 2024 | सोमवार, असार ३१, २०८१
सुचनाहरु
संघीय संसद्का दुवै सदनको बैठक बस्दै अर्जेन्टिनाले जित्यो कोपा अमेरिकाको उपाधि सुनको मूल्य अहिलेसम्मकै उच्च प्रधानमन्त्री ओलीको क्याविनेटमा को को बने मंत्री ? प्रधानमन्त्री ओलीलाई भारतीय प्रधानमन्त्री मोदीको बधाई कोशीमा सरकार पुनर्गठनको तयारी कोकिनसहित विदेशी महिला पक्राउ मुकुल ढकाललाई स्वर्णिम वाग्लेको सचिवालयबाट धम्की कोशी, बागमती र गण्डकी प्रदेशका केही स्थानमा भारी वर्षा हुने पशुपतिनाथमा बृहत् कोटीहोम महायज्ञ आयोजना हुँदै आज देशको ४५औँ प्रधानमन्त्री बन्दै एमाले अध्यक्ष केपी शर्मा ओली युरोकपको फाइनल आज, स्पेन र इङ्ल्याण्ड भिड्दै राष्ट्रिय परिचयपत्र लागू गर्ने निर्णयबाट पछि हट्यो सरकार गौतमबुद्ध अन्तर्राष्ट्रिय विमानस्थलमा अवतरणका क्रममा बुद्धएयरको जहाज चिप्लियो प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै बेपत्ता यात्रुको खोजी तथा उद्धार गर्न प्रधानमन्त्री दाहालको निर्देशन बालेनसँग श्रीलंकाका राजदूत पाथिरानाको शिष्टाचार भेट अठार महिनामा पाँचौँपटक विश्वासको मत लिँदै प्रधानमन्त्री ४३ जिल्ला वर्षाको उच्च जोखिम, आवश्यक पूर्वतयारी गर्न आह्वान कोलम्बिया कोपा अमेरिका कपको फाइनलमा

लोकन्थली दुर्घटनाले बाखामा तनाव, स्थानीयले गरे सडक अवरुद्ध

  • साझा परिवेश
  • शुक्रबार, मंसिर १, २०८० १८:३0
लोकन्थली दुर्घटनाले बाखामा तनाव, स्थानीयले गरे सडक अवरुद्ध

१ मंसिर, काठमाडौं । भक्तपुरको बाखामा स्थानीय बासिन्दाले प्रदर्शन गर्दै सडक अवरुद्ध गरेका छन् । हिजो बिहीबार साँझ लोकन्थलीमा तेल बोक्ने ट्याङ्करले मोटरसाइकललाई ठक्कर दिंदा सिन्धुपाल्चोक चौतारा साँगाचोकगढी नगरपालिका–४ ठुलो सिरुवारी घर भएर बालकोट बस्ने वर्ष ४१ का हरिशरण पुरीको ज्यान गएपछि उनका आफन्त र स्थानीय बासिन्दाले सडक अवरुद्ध गरेका हुन् ।

कोटेश्वरबाट भक्तपुरतर्फ आइरहेको ना ७ ख ४७७४ नम्बरको तेल बोक्ने ट्यांकरले सोही दिशाबाट आउँदै गरेको बा ७३ प २१६० नम्बरको मोटरसाइकललाई ठक्कर दिंदा चालक पुरीको ज्यान गएको थियो ।ट्यांकर चालकको लापरबाहीले ज्यान गएको र पीडकलाई प्रहरीले जोगाउन खोजेको भन्दै स्थानीय बासिन्दाले बाखामा रहेको प्रहरी कार्यालयमा प्रदर्शन गरेका हुन् ।

‘हाम्रो दाइको ज्यान गएको छ, प्रहरीले ३ चोटिमा मात्रै जाहेरी लिन मान्यो, वार्तामा ट्यांकरको समितिलाई बोलाउँदा आएका छैनन् । प्रहरी नै सेटिङमा लागेर घटना लुकाउन खोजिरहेकाे छ’, मृतकका काका छोरा रहेका सुवास पुरीले भने ।

उनले ट्यांकर चालकले रक्सी खाएको हुनसक्ने भन्दै लापरबाही लुकाउन प्रहरीलाई सिन्धुपाल्चोकका नेताहरुले दबाब दिइरहेको बताए । उनले ट्यांकर धनी माओवादी नेता अग्नि सापकोटा, माधव सापकोटा, चौतारा साँगाचोकका मेयर कृष्ण सापकोटाका नातेदार रहेको दाबी गरे ।

भक्तपुर प्रहरीले भने विना दबाब काम गरिरहेको जनाएको छ । ट्यांकर चालक जिल्ला सिन्धुपाल्चोक बलेफी गाउँपालिका–२ बस्ने वर्ष ४५ को तुलबहादुर माझीलाई प्रहरीले नियन्त्रणमा लिइसकेको भन्दै भक्तपुर प्रहरीका सूचना अधिकारी भुवन भट्टले कानुनी प्रक्रिया अनुसार काम गरिरहेको बताए ।

‘प्रहरीले गर्नुपर्ने अनुसन्धान गरेर अदालतबाट म्याद थप समेत गरिसकेको अवस्था छ । सवारी चालक र सवारीलाई हामीले नियन्त्रणमै लिएका छौं, घटना लुकाउनुपर्ने, दबाबमा काम गर्नुपर्ने केही छैन’, सूचना अधिकारी भट्टले भने ।

पीडित पक्ष र ट्यांकर समितिमा वार्ताका बीच सडक अवरुद्ध गर्दा आवतजावतमा समस्या भएको भट्टले बताए ।

  • साझा परिवेश
  • शुक्रबार, मंसिर १, २०८० १८:३0

प्रतिक्रिया

तपाइको प्रतिक्रिया दिनुहोस्