हामि भागेको हैन, बलात्कार गर्छु भनेपछि अस्तित्व जोगाउन बाध्य भयौं : पार्टी प्यालेस काण्ड

• लखेटिएकी एक महिलाले आफूहरु अस्तित्व जोगाउन भागेको बताइन्
• सहकारी र लघुवित्तको पीडा सहन नसकेर सडकमा आएको गुनासो 
• हामीले ऋण खाएको हो तर गास, बास र कपासको व्यवस्था सरकारले गर्नुपर्ने नि  

काठमाडौं ।।

गएराति भक्तपुरको एक पार्टी प्यालेसबाट लखेटिएकी एक महिलाले आफूहरु अस्तित्व जोगाउन भागेको बताएकी छन् । दुर्गा प्रसाईं अभियानले गरेको पत्रकार सम्मेलनमा उनले यस्तो बताएकी हुन् । मोरङबाट आएकी सिर्जना राईले आफूहरु सहकारी र लघुवित्तको पीडा सहन नसकेर सडकमा आएको बताएकी छन् ।

“हामी लघुवित्त र सहकारी पीडित भएर सडकमा उभिएका हौँ,” उनले भने, “हामीले यसअघि कांग्रेस र एमालेलाई पनि भोट हालेका हौँ । हामीले ऋण खाएको हो तर गास, बास र कपासको व्यवस्था सरकारले गर्नुपर्दैन ? ” उनले आफूहरु आन्दोलनमा सहभागी हुन आएर एक पार्टी प्यालेसमा बस्दा युवा संघका कार्यकर्ता आएर ‘ए ! लुगा लाउन पाउँदैनस् भनेर हटायो । हामी भागेर हिड्यौँ । डरले भागेको होइन । हामी हाम्रो अस्तित्व जोगाउन भागेका हौँ ।”

उनले आफूहरुको सलमा मोबाइल लुकाएर प्रशासनमा खबर गरेपछिमात्रै प्रहरी आइपुगेको बताइन् । “हामीले तिनीहरुको हर्कत देख्यौँ,” उनले भने, “हाम्रो नेपाल हो । हामीजस्ता महिला यो काठमाडौंमा बस्न पाइँदैन ? बलात्कार गर्छु भन्ने ? एक रात बस्न देउ न भन्दा पनि हुँदैन भागिहाल् भन्ने ? हामी हाम्रो अस्तित्व जोगाउन भागेका हौँ । हामी अस्तित्व जोगाउन आएका हौँ । एउटा चेलीको मुटु दुखेको छ ।”

• संसद विघटन